ເປີດໂຕເປັນທີຮຽບຮ້ອຍແລ້ວ ສໍາລັບ Intel Core i9 ຊິບປະມວນຜົນລຸ້ນໃຫມ່ລ່າສຸດ ສໍາລັບແລັບທ໊ອບ ຊື່ງເປັນຊິບທີ່ Intel ທີ່ມີປະສິດທິພາບຫລາຍທີ່ສຸດເທົ່າທີ່ເຄີຍພັດທະນາມາ

ລຸ້ນທ໊ອບສຸດຈະມີລະຫັດທີ່ເອີ້ນວ່າ Intel Core i9-8950HK ເຈນເນີເລຊັ່ນ 8 ໄດ້ຮັບການອອກແບບມາເພື່ອປະສິດທິພາບການທຳງານສູງສຸດ ໂດຍເປັນ ໂປຣເຊສເຊີແບບໂມບາຍລຸ້ນທໍາອິດຂອງອິນເທວທີ່ມີ 6 ແກນ ແລະ 12 ເທຣດ ມາພ້ອມກັບໂຕເລັ່ງຄວາມໄວ Intel Thermal Velocity Boost(TVB) ໃຫມ່ ຊື່ງສາມາດປັບເພີ່ມຄວາມຖີ່ຂອງໂມງໄດ້ສູງສຸດເຖິງ 200 MHz ໂດຍອັດຕະໂນມັດຫາກອຸນນະພູມຂອງໂປຣເຊສເຊີຕໍ່າພໍ ແລະ ພະລັງງານເທີໂບຣຍັງມີເຫຼືອ ນັ້ນໜາຍເຖິງຄວາມຖີ່ເທີໂບຣສາມາດສູງເຖິງ 4.8 GHz

Intel Core i9 ຖືເປັນຊິບໃນເຈນເນີເລຊັ່ນ 8 ທີ່ຍັງແບ່ງອອກເປັນ i7 ແລະ i5 ສ້າງເທິງແພັດຟອມຣ໌ Coffee Lake ແລະ ໃຊ້ປະໂຫຍດຈາກເທັກໂນເລຢີລະດັບ 14nm++ ເມື່ອຫຼີ້ນເກມ ຈື່ງສະແດງພາບຕໍ່ວິນາທີໄດ້ຫລາຍຂື້ນເຖິງຮ້ອຍລະ 41 ຫຼື ຕັດຕໍ່ວິດີໂອຂະຫນາດ 4K ໄດ້ຫຼາຍຂື້ນເຖີງຮ້ອຍລະ 59 ເມື່ອທຽບກັບເຈນເນີເລຊັ່ນກ່ອນດ້ວຍຄຸນນະພາບກຣາບຟິກລະດັບດຽວກັນ ເໜາະສຳລັບການຫຼີ້ນເກມ ການສ້າງສັນຄອນເທນຣ໌ໃຫມ່ໆ ຫຼືກຣາບຟິກທີ່ມີຄວາມຫຼາກຫຼາຍແລະສະເໜືອນຈີງ

ຕະກູນ Intel Core ເຈນເນີເລຊັ່ນ 8 ເປັນແພັດຟອມຣ໌ໂມບາຍທີ່ມີປະສິດທີພາບສໍາລັບຜູ້ສ້າງສັນຄອນເທັນ ນອກຈາກນີ້ປະສິດທີພາບຂອງໂປຣເຊສເຊີໃນຕະກູນໂມບາຍ Intel Core ເຈນເນີເລຊັ່ນ 8 ທັງແບບເຣດດຽວ ແລະ ຫຼາຍເຣດ ຊ່ວຍໃຫ້ຜູ້ໃຊ້ສາມາດເພີດເພີນໄປກັບຄອນເທັນຄຸນນະພາບສູງຂອງເທັກໂນເລຢີສະເໜືອນຈີງ (VR) ຫຼື ປະສົບການ windows Mixed Reality Ultra ໄດ້ຢ່າງລື່ນໄຫຼບໍ່ມີສະດຸດ

ໂປຣເຊສເຊີປະສິດທີພາບສູງໃນຕະກຸນໂມບາຍ Intel Core ເຈນເນີເລຊັ່ນ 8 ຍັງເພີ່ມຊິບເຊັດໃຫມ່ Intel 300 Series ທີ່ມີ Gigabit Wi-Fi ໃນຕົວ ເພື່ອການເຊື່ອມຕໍ່ທີ່ໄວກວ່າມາດຕະຖານ 2×2 802.11AC 80MHz (867 Mbps) 3 ເຖິງ 2 ເທົ່າ

ນອກຈາກ Intel Core i9 ທີ່ຫາກໍ່ເປີດຕົວແລ້ວ Intel ຍັງຂະຫຍາຍແພັດຟອມຣ໌ Intel Core ເປັນການລວມເອົາຄຸນສົມບັດເດັ່ນຂອງຊິບ Intel Core ເຈນເນີເລຊັ່ນ 8 ແລະ ເທັກໂນໂລຢີໜ່ວຍຄວາມຈໍາ Intel Optane ເຂົ້າໄວ້ນໍາກັນ ການລວມກັນລະຫວ່າງຜະລິດຕະພັນໃນກຸ່ມ ຊີພີຢູ ແລະ ຊິບເຊັດປະສິດທີພາບສູງສໍາລັບ ເດັສກ໌ທ໊ອບອີກທັງຍັງໃຊ້ເທັກໂນໂລຢີແພັດຟອມຣ໌ Intel Core vPro ເຈນເນີເລຊັ່ນ 8 ໃຫມ່ຮ່ວມກັນອີກດ້ວຍ

ເທັກໂນໂລຢີໜ່ວຍຄວາມຈໍາ Intel Optane ເປັນຕົວເລັ່ງລະບົບອັດສະລິຍະປັບປ່ຽນໄດ້ສໍາລັບ ແພັດຟອມຣ໌ ໂມບາຍ ແລະ ເດັສກ໌ທ໊ອບ ທີ່ຊ່ວຍເພີ່ມປະສິດທີພາບ ແລະ ການຕອບສະໜອງຂອງເທັກໂນໂລຢີຈັດເກັບແບບ  SATA ໂດຍບໍ່ລົດຄວາມຈຸໃນການຈັດເກັບຂໍ້ມູນ ເຊິ່ງໃນປະຈຸບັນມີການນໍາເອົາ Intel Optane ມາໃຊ້ເທິງ Intel Core ເຈນເນີເລຊັ່ນ 8 ທັງແພັດຟອມຣ໌ແບບໂມບາຍ ແລະ ເດັສກ໌ທ໊ອບ

ນອກຈາກນີ້ ອິນເທວຍັງເປີດຕົວຟີເຈີໃຫມ່ Data Drive Acceleration ທີ່ເລັ່ງການທຳງານຂອງໄດຣ໌ຂໍ້ມູນໂຫລດເກມໄດ້ໄວຂື້ນ 4.7 ເທົ່າ ແລະ ໂຫລດມີເດຍຣ໌ໄດ້ໄວຂື້ນ 1.7 ເທົ່າ

Picture1.png

ອ້າງອີງ