ມະຫາເສດຖີຂອງໂລກເຊັ່ນບິວເກດ ລາວຂີ້ຄ້ານຮຽນໜັງສືຈຶ່ງລາອອກຈາກມະກາວິທະຍາໄລ. ລາວຂີ້ຄ້ານຈື່ຄຳສັ່ງຕ່າງໆທີ່ຫຼາກຫຼາຍຂອງໂປຣແກຣມ DOS ດັ່ງນັ້ນລາວຈຶ່ງສ້າງໂປຣແກຣມໃຫ້ເປັນຮູບພາບ ແລະ ສຸດທ້າຍຄອມພີວເຕີ້ທົ່ວໂລກກໍ່ມີໜ້າຕາແບບດຽວກັນ ແລະ ບິວເກດກໍ່ກາຍເປັນມະຫາເສດຖີຂອງໂລກ.

 

ແບຣນ໌ທີ່ມີລາຄາແພງທີ່ສຸດແບຣນໜຶ່ງຂອງໂລກຢ່າງ ໂຄຄາ-ໂຄລ່າ ເຈົ້າຂອງບໍລິສັດຂີ້ຄ້ານຫຼາຍ. ເຖິງແມ່ນວ່າວັດທະນະທຳການດື່ມຊາຂອງຈີນຈະມີປະຫວັດມາຢ່າງຍາວນານ, ກາເຟຂອງເບຣຊີລກໍ່ຫອມຫວານ ແຕ່ເຈົ້າຂອງໂຄຄາ-ໂຄລ່າ ຂີ້ຄ້ານຫຼາຍ ຈຶ່ງເອົານຳ້ຕານປະສົມກັບນຳ້ ແລ້ວເອົາມາໃສ່ແກ້ວຂາຍ ສຸດທ້າຍຄົນທັງໂລກກໍ່ດື່ມຂອງເຫຼວທີ່ມີສີຄືເລືອດ.

 

ນັກກິລາເຕະບານທີ່ມີຝີຕີນດີທີ່ສຸດຄື ໂຣນັລໂດ້ ເວລາລົງສະໜາມລາວຈະຂີ້ຄ້ານຫຼາຍ ລາວຈື່ງມັກໄປຖ້າຢູ່ໜ້າໂກນປະຕູຂອງຄູ່ຕໍ່ແຂ່ງ ຖ້າບານມາຮອດກໍ່ແຕະເຂົ້າປະຕູ ພຽງເທົ່ານີ້ກໍ່ກາຍເປັນນັກກິລາທີ່ມີຄ່າຕົວສູງທີ່ສຸດຂອງໂລກ. ມີຄົນເວົ້າວ່າລາວລ້ຽງລູກບານໄວຈົນໜ້າຕົກໃຈ, ຄົນອື່ນແລ່ນຈົນໝົດເກມ 90 ນາທີ ແຕ່ລາວແລ່ນພຽງ 15 ນາທີ ຍ່ອມໄວກວ່າຄົນອື່ນແນ່ນອນແຫຼະ.

 

ທຸລະກິດອາຫານທີ່ຍອດຢ້ຽມທີ່ສຸດໃນໂລກຄື ແມັກໂດໂນ້ ເຈົ້າຂອງຂີ້ຄ້ານແບບຫາໂຕຈັບຍາກເລີຍແຫຼະ. ລາວຂີ້ຄ້ານຮຽນເຮັດອາຫານຢ່າງປານີບແບບຝຣັ່ງ, ຂີ້ຄ້ານຮຽນຮູ້ເທັກນິກການປຸງອາຫານແບບຈີນ ຈຶ່ງໃຊ້ເຂົ້າໜົມປັງສອງແຜ່ນໜີບຊີ້ນ ມື້ລະອັນ ຜົນທີ່ໄດ້ກໍ່ຄື ເຮົາເຫັນຍີ່ຫໍ້ຕົວ M ຢູ່ທົ່ວໂລກ.

 

ເຈົ້າຂອງ The  Pizza Hut ກໍ່ຂີ້ຄ້ານນຳໃສ້ເຂົ້າໜົມເປ້ຍໄປຍັດໃສ່ໃນແປ້ງເຂົ້າໜົມປັງ ຈຶ່ງເທໄວ້ເທິງແຜ່ນແປ້ງແລ້ວຂາຍເລີຍ ສຸດທ້າຍທຸກຄົນເອີ້ນວ່າພິດຊ່າ ແລະ ຂາຍໃນລາຄາທີ່ແພງກວ່າຂະໜົມເປ້ຍຍັດໃສ້ຕັ້ງ 10 ເທົ່າ.

 

ຍັງມີຄົນສະຫຼາດ ແລະ ຂີ້ຄ້ານອີກຫຼາຍຄົນ

ຂີ້ຄ້ານຂຶ້ນຂັ້ນໄດ ຈຶ່ງປະດິດລິບ

ຂີ້ຄ້ານຍ່າງ ຈຶ່ງສ້າງລົດເກັງ, ລົດໄຟ ແລະ ເຮືອບິນ

ຂີ້ຄ້ານຂ້າຄົນເທື່ອລະຄົນ ຈຶ່ງສ້າງລະເບີດປະລຳມະນູລ

ຂີ້ຄ້ານຄິດໄລ່ເລກເທື່ອລະຄັ້ງ ຈຶ່ງຄິດຄົ້ນສູດຄະນິດສາດ

ຂີ້ຄ້ານໄປຟັງຄອນເສີດ ຈື່ງຄິດຄົ້ນແຜ່ນສຽງ, ເທັບ, ຊີດີ…

 

ທີ່ມາ “ໜັງສືປັດຊະຍາຊີວິດຂອງ ແຈັກໝ່າ”