“ຄວາມຂີ້ຄ້ານ ’’ ເປັນສີ່ງທີ່ທຸກຄົນມີຢູ່ໃນຕົວ ພຽງແຕ່ວ່າຄົນໃດຈະມີຫລາຍຫຼືໜ້ອຍເທົ່ານັ້ນ ຫລາຍຄົນມັກເບີ່ງວ່າ “ ຄວາມຂີ້ຄ້ານ ’’ ເປັນສີ່ງທີ່ອັນຕະລາຍທີ່ຈະນໍາພາຊີວິດລົ້ມຈົມແລະມີແຕ່ຈະກ້າວຖອຍຫຼັງ ແຕ່ຈະເກີດຫຍັງຂື້ນແນ່ ຖ້າເຮົາກໍາລັງຈະບອກວ່າ “ ຄວາມຂີ້ຄ້ານ ’’ ຂອງຄົນເປັນສ່ວນໜື່ງທີ່ເຮັດໃຫ້ຄົນເຮົາມີແນວໂນ້ມຈະປະສົບຜົນສໍາເລັດ!

ເຈົ້າເຄີຍຮູ້ມາກ່ອນຫຼືບໍ່ ແທ້ໆແລ້ວ ຄົນທີ່ມີນິໄສຂີ້ຄ້ານຈໍານວນຫຼາຍຄົນ ກາຍເປັນຄົນທີ່ປະສົບຄວາມສໍາເລັດໃນຊີວິດຫລາຍທີສຸດ ຍົກຕົວຢ່າງເຊັ່ນ Charles Darwin ທີ່ວ່າກັນວ່າ ລາວເປັນຄົນຂີ້ຄ້ານຍີ່ງກວ່າສະລອດຊະອີກ

ຂີ້ຄ້ານສໍ່າໃດຮູ້ບໍ່ ? ຂີ້ຄ້ານຈົນອາຈານແລະພໍ່ແມ່ຂອງລາວ ຮູ້ສຶກທໍລະມານ ແລະ ຕ້ອງເອົາໃຈໃສ່ຢ່າງໜັກ ເພື່ອທີ່ຈະໃຫ້ລາວໄປໂຮງຮຽນໃນຕອນຍັງນ້ອຍ ຫຼາຍຄັ້ງທີ່ລາວນອນໃນຊົ່ວໂມງຮຽນ ແລະ ບໍ່ເຄີຍເຮັດວຽກບ້ານມາສົ່ງ ເຖິງແມ່ນວ່າລາວຈະກາຍມາເປັນນັກວິທະຍາສາດ ແລະ ນັກຂຽນ ແຕ່ຜົນງານແຕ່ລະອັນ ກໍ່ໃຊ້ເວລາດົນຫຼາຍ ກວ່າມັນຈະສໍາເລັດໄດ້

ຕົວຢ່າງຂອງຄົນຂີ້ຄ້ານຜູ້ໂດ່ງດັງກໍ່ຄື Winston Churchill ລາວເປັນຄົນທີ່ມີຄະແນນຕອນສະໄໜຮຽນ ທີ່ອ່ອນທີສຸດ ຕັ້ງແຕ່ອານຸບານ ຈົນກະທັ້ງຈົບມັດທະຍົມປາຍ ລາວບໍ່ສາມາດເຂົ້າຮຽນຕໍ່ໃນມະຫາວິທະຍາໄລໄດ້ ລາວບໍ່ມັກຫຼີ້ນກິລາ ບໍ່ມັກເຮັດກິດຈະກໍາ ແຕ່ສີ່ງທີລາວມັກຄື ການນັ່ງຊີວໆ ຢູ່ເທີງຕັ່ງໂຢກໄປໂຢກມາເທົ່ານັ້ນ ສຸດທ້າຍ ລາວກໍ່ກາຍເປັນນັກການເມືອງຜູ້ທີ່ຍິ່ງໃຫຍ່ ຊີ່ງສ່ວນໃຫຍ່ແລ້ວ ໜ້າທີ່ຫຼັກຂອງລາວຄື ການນັ່ງຢູ່ເທິງຕັ່ງແບບທີ່ລາວມັກ

ນອກຈາກນີ້ ຍັງມີບຸກຄົນທີ່ປະສົບຄວາມສໍາເລັດ ແລະ ຍີ່ງໃຫຍ່ໃນປະຫວັດຕິສາດອີກຫຼາຍຕໍ່ຫຼາຍຄົນ ທີ່ຖືກເວົ້າວ່າ ເປັນຄົນຂີ້ຄ້ານ ເຊັ່ນ Einstein, Newton, Picasso, Mendeleev ແລະ ອີກຫຼາຍໆຄົນ ເມື່ອເບີ່ງຈາກລາຍຊື່ແລ້ວ ເຮົາໜັ້ນໃຈເລີຍວ່າ ເຈົ້າຕ້ອງມີຂໍ້ສົງໃສຢູ່ໃນໃຈເຕັມໄປຫມົດຢ່າງແນ່ນອນ ແຕ່ເຖີງຢ່າງໃດກໍ່ຕາມ ພວກເຂົາກໍ່ເຮັດໃຫ້ເຫັນແລ້ວວ່າ ຄົນຂີ້ຄ້ານ ກໍ່ສາມາດປະສົບຜົນສໍາເລັດໃນຊີວິດໄດ້

ມື້ນີ້ເຮົາຈີ່ງນໍາເອົາເລື່ອງລາວແລະເຫດຜົນທີ່ສະແດງໃຫ້ເຫັນວ່າ ຄົນຂີ້ຄ້ານ ມີແນວໂນ້ມທີ່ປຈະປະສົບຜົນສໍາເລັດແຖມຫຼາຍກວ່າຄົນປົກກະຕິອີກ

 

  1. ມີຄວາມຄິດສ້າງສັນ – They are inventive

ບໍ່ຮູ້ເປັນຍ້ອນຫຍັງ ແຕ່….. ຄົນຂີ້ຄ້ານສ່ວນຫຼາຍມັກຈະມີຄວາມຄິດສ້າງສັນຫຼາຍກວ່າຄົນປົກກະຕິ ໂດຍສະເພາະຖ້າຫາກວ່າ ຄົນຂີ້ຄ້ານຕ້ອງເຂົ້າໄປພົວພັນໃນເລື່ອງຂອງການຈັດການນຳອີກ ເຈົ້າຈະເຫັນຄວາມຄິດສ້າງສັນຂອງພວກເຂົາຫຼາຍຍີ່ງຂື້ນ

ນັ້ນກໍ່ເພາະວ່າ ຄົນຂີ້ຄ້າ ບໍ່ມັກອັນໃດທີ່ມັນຊັບຊ້ອນ ບໍ່ມັກການເສຍເວລາ ແລະ ອັນໃດທີ່ມີກົດເກນເຂັ້ມງວດ ພວກເຂົາຢາກຟ້າວເຮັດຟ້າວແລ້ວໄວໆ ຈະໄດ້ເອົາເວລາໄປຢູ່ກັບຄວາມຂີ້ຄ້ານ ດັ່ງນັ້ນ ລອງສັງເກດພະນັກງານຫ້ອງການເຈົ້ານັ່ງເບີ່ງກໍ່ໄດ້ວ່າພະນັກງານຄົນໃດທີ່ວ່າຂີ້ຄ້ານ ເມື່ອຖືກໃຊ້ວຽກຫຼາຍ ພວກເຂົາຈະຟ້າວຊອກຫາທາງລັດທີ່ມີປະສິດທິພາບໄດ້ໃກ້ຄຽງກັນສະເໝີ ເພາະວ່າຄົນຂີ້ຄ້ານຈະພະຍາຍາມເຮັດທຸກວິທີທາງໃຫ້ຊີວິດງ່າຍຂື້ນ

ເຄື່ອງຂຸດດິນອັດຕະໂນມັດກໍ່ເປັນຜົນງານຈາກຄົນຂີ້ຄ້ານຄົນໜື່ງ ທີ່ບໍ່ຢາກຈະໃຊ້ສຽມຂຸດດິນ ເພາະມັນເມື່ອຍແລະເສຍເວລາ ເຄື່ອງດູດຝຸ່ນເອງກໍ່ຄືກັນ ເພາະວ່າຂີ້ຄ້ານເຊັດຝຸ່ນດ້ວຍຜ້າ ເຂົາຈື່ງຄິດຄົ້ນເຄື່ອງດູດຝຸ່ນຂື້ນມາ ໃຜຈະໄປຮູ້ວ່າ ຄົນຂີ້ຄ້ານທັງຫຼາຍໃນມື້ນີ້ ອາດຈະຄິດຄົ້ນສີ່ງປະດິດ ທີ່ຍີ່ງໃຫຍ່ທີ່ສຸດໃນອານາຄົດກໍ່ເປັນໄດ້

2. ກ້າໄດ້ ກ້າເສຍ – They are entrepreneurial

ຄົນຂີ້ຄ້ານ ມັກກ້າໄດ້ກ້າເສຍ ຄົນເຫຼົ່ານີ້ມັກມີໂຄງການແລະຄວາມຄິດຢູ່ໃນຫົວເຕັມໄປໜົດ ເນື່ອງຈາກວ່າພວກເຂົາວ່າງ ( ຈາກການຟ້າວເຮັດວຽກສະໄຕລ໌ ຄົນຂີ້ຄ້ານແລ້ວໄວ) ແຕ່ລະມື້ບໍ່ມັກເຮັດຫຍັງ ບໍ່ຕ້ອງຮັບຜິດຊອບຫຍັງ ມີແຕ່ຄິດລະເມີໄປແຕ່ລະມື້ ຫຼືບາງຄົນຈະໃຊ້ຄໍາວ່າ ຄິດເອງເອີເອງ ຫຼື ຄິດຫຍັງແບບບໍ່ມີປະໂຫຍດ

ແຕ່ເຈົ້າຮູ້ບໍ່ວ່າ ສີ່ງທີ່ຄົນເຫຼົ່ານີ້ຄິດນັ້ນ ສ່ວນຫຼາຍຈະເປັນໄອເດຍຣ໌ທີ່ຕອບໂຈດ ຕາມຄວາມຕ້ອງການຂອງຄົນ ໂດຍສະເພາະຖ້າເປັນເລື່ອງຄວາມສະດວກສະບາຍ ແຖມມັນຍັງເປັນໄອເດຍຣ໌ທີ່ແປກ ແຕກຕ່າງກັບສີ່ງທີ່ມີຢູ່ແລ້ວໃນທ້ອງຕະຫຼາດຢ່າງແນ່ນອນ. ພວກຄົນຂີ້ຄ້ານນີ້ແລະ ຈະເປັນນັກລິເລີ່ມ ພຽງແຕ່ຂໍໃຫ້ເຂົາລົງມືເຮັດຮັບຮອງໄດ້ເລີຍວ່າ ຕ້ອງມີຫຍັງ ຄັກໆ ແປກປະຫຼາດເກີດຂື້ນໃນໂລກນີ້ຢ່າງແນ່ນອນ

3. ຮູ້ພັກຜ່ອນ – The know when to rest

ຫຼາຍຄົນປະສົບປັນຫາ ການພັກຜ່ອນບໍ່ພຽງພໍ ບາງຄົນໃຊ້ພະລັງງານຫຼາຍໄປໃນແຕ່ລະມື້ ແຕ່ບໍ່ຮູ້ວ່າ ຕົວເອງຄວນພັກຜ່ອນຕອນໃດ

ແຕ່ສໍາລັບຄົນຂີ້ຄ້ານແລ້ວ ພວກເຂົາຮູ້ດີວ່າ ຕອນໃດທີ່ພວກເຂົາເມື່ອຍແລ້ວ ຕອນໃດທີ່ພວກເຂົາຢາກນອນ ຕອນໃດທີ່ຈະເວົ້າຄໍາວ່າພໍ ແຖມການເປັນຄົນຂີ້ຄ້ານທີ່ມັກການພັກຜ່ອນເປັນພິເສດນີ່ເອງ ຮ່າງກາຍຂອງພວກເຂົາສ່ວນຫຼາຍແມ່ນແຂງແຮງກວ່າຢ່າງເຫັນໄດ້ຊັດເຈນ ເມື່ອທຽບກັບຄົນດຸໜັ່ນໆ. ນັກວິທະຍາສາດ ທີ່ຕ້ອງຕື່ນມາເຝົ້າການທົດທອງຕອນກາງຄືນ ເມື່ອໄດ້ອາຍຸ 40 ປີ ຮ່າງກາຍຂອງຄົນທີ່ໃຊ້ງານມັນໄປກັບການເຮັດວຽກໜັກ ຈະຊຸດໂຊມໄດ້ໄວກວ່າຄົນຂີ້ຄ້ານເກືອບເທົ່າຕົວເລີຍຢ່າງແນ່ນອນ

4. ມີຄວາມຊິວ ໃນຕົວເອງ – They are more relaxed

ຄົນຂີ້ຄ້ານນັ້ນ ຂື້ນຊື່ໃນເລື່ອງຄວາມ Chill ຢູ່ແລ້ວ ພວກເຂົາບໍ່ເລັ່ງ ບໍ່ຟ້າວ ໃຊ້ເວລາຢ່າງຊ້າໆ ສົ່ງຜົນໃຫ້ບໍ່ມີຄວາມກັງວົນ

ໃນທາງກົງກັນຂ້າມ ຄົນທີ່ເຮຮາຕະຫຼອດເວລາຫຼືຄົນດຸໜັ່ນສ່ວນຫຼາຍມັກຈະມີອາການຕື່ນໂຕແລະກະວົນກະວາຍລືກໆ ໃນຈິດໃຈ ພວກເຂົາຈະກັງວົນວ່າ ຈະເຮັດສີ່ງນີ້ທັນບໍ່ ຈະຕື່ນໄປເຮັດທຸລະກິດທັນຫຼືບໍ່ ທຸກຢ່າງທີ່ເຂົາຄິດນັ້ນມັນຫຼາຍເກີນຂັ້ນຕອນການກຽມໂຕໄປໄກຈົນກາຍເປັນຄົນຈຸກຈິກ ຂີ້ໂມໂຫ ໃຈຮ້ອນ ເນື່ອງຈາກມີຄວາມກັງວົນໃຈ ທີ່ໂຕເອງສຸມເອົາໄວ້ພາຍໃນຈິດໃຈ ໂດຍບໍ່ຮູ້ໂຕ ເຊີ່ງຕ່າງຈາກຄົນຂີ້ຄ້ານ ທີ່ເຮັດຫຍັງກໍ່ຄ່ອຍໆ ເລື່ອຍໆ ພວກເຂົາຈື່ງກາຍເປັນຄົນທີ່ໃຈເຍັນກວ່າ ແລະ ຜ່ອນຄາຍຫຼາຍກວ່າ ໃນເກືອບທຸກໆ ເລື່ອງໃນຊີວິດ

5. ມີເປົ້າໝາຍ – They know their goals

ຄົນຂີ້ຄ້ານສ່ວນຫຼາຍມັກຮູ້ຈັກການຈັດການລຽງລໍາດັບກ່ອນຫຼັງຕາມຄວາມສໍາຄັນໄດ້ເປັນຢ່າງດີ ເພາະພວກເຂົາຈະຕັດຂັ້ນຕອນທີ່ບໍ່ຈໍາເປັນອອກ ເພື່ອປະຫຍັດເວລາແລະເພື່ອບໍ່ໃຫ້ເກີດຂັ້ນຕອນທີ່ຍຸ່ງຍາກຕໍ່ຊີວິດພວກເຂົາ ພວກເຂົາຈື່ງເປັນພວກທີ່ເມື່ອຈະເຮັດຫຍັງ ກໍ່ຕາມຕ້ອງເຫັນຜົນໄດ້ໄວທີ່ສຸດແລະຊັດເຈນທີ່ສຸດ ນັ້ນຄືຂໍ້ດີອີກຢ່າງໜື່ງຂອງຄົນຂີ້ຄ້ານທີ່ໃນບາງຄັ້ງຄົນດຸໜັ່ນ ເຮັດບໍ່ໄດ້ ຫຼືເຮັດໄດ້ກໍ່ອາດຈະຊ້າກວ່າ ຖືກຕັດໜ້າໄປເປັນທີ່ລຽບຮ້ອຍ

6. ຂີ້ຄ້ານ ແຕ່ ສະຫຼາດ – They cannot but be clever

ຄົນຂີ້ຄ້ານບໍ່ໄດ້ແປວ່າບໍ່ສະຫຼາດສະເໜີໄປ ຄົນທີ່ໜ້າຈັບຕາເບີ່ງທີ່ສຸດຄືຄົນຂີ້ຄ້ານທີ່ສະຫຼາດ ເພາະຖ້າຫາກຂີ້ຄ້ານແລ້ວຍັງໂງ່ອີກກໍ່ຈົບຂ່າວ ດຸໜັ່ນແຕ່ບໍ່ສະຫຼາດກໍ່ຈົບເຊັ່ນກັນຖ້າດຸໜັ່ນນໍາສະຫຼາດນໍາ ນັ້ນກໍ່ຖືວ່າເປັນຄົນໃນອີກປະເພດໜື່ງ

ແຕ່ທີ່ບອກວ່າ ຄົນຂີ້ຄ້ານທີ່ສະຫຼາດນັ້ນໜ້າຈັບຕາເບີ່ງກໍ່ເພາະວ່າຄົນຂີ້ຄ້ານເຫຼົ່ານີ້ ຈະໃຊ້ສະໜອງອັນຍອດຍ້ຽມຂອງເຂົາ ເຮັດທຸກສິ່ງທຸກຢ່າງໄດ້ໄວຂື້ນ ຂັ້ນຕອນນ້ອຍລົງ ເອີ້ນໄດ້ວ່າຫາວິທີທີ່ດີທີສຸດແລະງ່າຍທີ່ສຸດໃຫ້ກັບໂຕເອງໄດ້ສະເໜີເພາະສະນັ້ນຖ້າເຈົ້າຈະເລືອກລູກນ້ອງຈັກຄົນ ໃຫ້ເລືອກຄົນ ຂີ້ຄ້ານແຕ່ສະຫຼາດ ແລ້ວເຈົ້າຈະສະບາຍ

7. ຮູ້ໃຊ້ເທັກໂນໂລຢີ ເພື່ອອຳນວຍຄວາມຂີ້ຄ້ານ – They use technologies that allow them to be lazy

ເມື່ອມີ Application, Program ຫຼື Technology ອັນໃດໃໜ່ໆ ລວມໄປເຖິງ Gadgets ອັນໃດກໍ່ຕາມທີ່ສາມາດຊ່ວຍໃຫ້ຜູ້ຄົນເຮັດວຽກໄດ້ໄວຂື້ນຫຼືຊ່ວຍທຸ່ນແຮງໄດ້ນັ້ນ ພວກຄົນຂີ້ຄ້ານທັງຫຼາຍຈະຮູ້ເລື່ອງທັງໜົດ

ແຖມຄົນຂີ້ຄ້ານຍັງຈະໃຊ້ງານມັນໄດ້ໄວກວ່າຄົນປົກກະຕິທົ່ວໄປເຖິງ 2 ເທົ່າເລີຍທີ່ດຽວ ດັ່ງນັ້ນຈື່ງບໍ່ແປກທີ່ເຈົ້າຈະເຫັນວ່າຄົນຂີ້ຄ້ານເຫຼົ່ານີ້ ພະຍາຍາມຫາສີ່ງໃໜ່ໆ ອັບເດດລ່າສຸດມາທົດທອງໃຊ້ຢູ່ຕະຫຼອດ ນັ້ນກໍ່ເພາະວ່າ ເຂົາກຳລັງຫາທາງທີ່ຈະສະບາຍໃຫ້ຫຼາຍຂື້ນຢູ່ນັ້ນເອງ ຖ້າເຈົ້າຢາກສະບາຍ ກໍ່ເຮັດຕາມເຂົາເຈົ້າ ແຕ່ຖ້າເຈົ້າມີຄວາມຄິດແນວນັ້ນ ກໍ່ສະແດງວ່າ ເຈົ້າມີແນວໂນ້ມເປັນຄົນຂີ້ຄ້ານຂື້ນມາແລ້ວ

ສາດສະດາຈານ Arnold Ludwig ເຄີຍເຮັດການວິເຄາະຄົນມາຫຼາຍກວ່າ 1,000 ຄົນ ທີ່ປະສົບຄວາມສໍາເລັດໃນຊີວິດຂັ້ນສູງສຸດ ໄດ້ຂໍ້ສະຫຼຸບທີ່ໜ້າສົນໃຈມາຢ່າງໜື່ງ ນັ້ນກໍ່ຄື ນອກເໜືອຈາກການມີພອນສະຫວັນແລ້ວ ຕາມຫຼັກການທໍາມະຊາດ ບາງສີ່ງບາງຢ່າງນັ້ນບໍ່ສາມາດເລັ່ງໄວໄດ້ ແລະ ຕ້ອງການໃຊ້ເວລາ

ແນ່ນອນວ່າມັນອາດຈະຟັງເບີ່ງຂັດແຍ້ງ ກັບຍຸກສະໄໜທີ່ອັນໃດກໍ່ຕ້ອງໄວໆໄປໜົດໃນຕອນນີ້ ແຕ່ນັ້ນຄືເລື່ອງຈີງ ຂະໜາດ Einstein ເອງ ກໍ່ຍັງເຄີຍບອກວ່າ ການນັ່ງເສີຍໆ ແບບຄົນຂີ້ຄ້ານມັນອາດຈະໜ້າເບື່ອ ແຕ່ມັນເປັນວິທີການທີ່ຍອດຍ້ຽມສໍາລັບການພັດທະນາຈິນຕະນະນາການ ແລະຄວາມຄິດ ສ້າງສັນຂອງເຈົ້າ. ດັ່ງນັ້ນ ຄົນຂີ້້ຄ້ານທີ່ເຈົ້າເຫັນ ທີ່ແທ້ແລ້ວພວກເຂົາກໍ່ມີມຸມດີໆ ເຊື່ອງໄວ້ຄືກັນ ພຽງແຕ່ວ່າໂອກາດທີ່ເຂົາຈະລົງມືເຮັດນັ້ນ ມັນຍາກກວ່າຄົນທົ່ວໄປເທົ່ານັ້ນເອງ.

 

ທີ່ມາ