ໃນປະຈຸບັນກະແສການຊື້ຂາຍເຄື່ອງອອນໄລນ໌ໄດ້ຮັບຄວາມນິຍົມຫຼາຍຂຶ້ນ ເພາະປະຢັດເວລາ ສະດວກ ແລະ ວ່ອງໄວ ດັ່ງນັ້ນເມື່ອເວົ້າເຖີງການຊື້ຂາຍເຄື່ອງອອນໄລນ໌ ທຸກຄົນຄົງຈະຄຸ້ນເຄີຍກັນເປັນຢ່າງດີຈົນກາຍເປັນເລື່ອງທຳມະດາໄປແລ້ວ. ແຕ່ຖ້າເວົ້າເຖີງ E-commerce ຂຶ້ນມາ ຫຼາຍຄົນອາດຈະງົງ ແລະ ສົງໃສວ່າ ຄືອີ່ຫຍັງ ກ່ຽວຂ້ອງກັບການຊື້ຂາຍສິນຄ້າອອນໄລນ໌ແນວໃດ ແລະ ມີປະໂຫຍດຫຍັງແນ່ໃດ……?

E-commerce ແມ່ນຫຍັງ……?

E-commerce ມາຈາກຄໍາວ່າ “ Electronic Commerce ” ຫຼື ເອີ້ນວ່າ “ ການຄ້າທາງເອເລັກໂຕຣນິກ ” ເປັນການເຮັດທຸລະກິດຊື້ຂາຍສິນຄ້າ ແລະ ບໍລິການຜ່ານສື່ເອເລັກໂຕຣນິກໄດ້ແກ່ ໂທລະສັບ ວິທະຍຸ ໂທລະພາບ ແລະ ແຟ໋ກ ເປັນຕົ້ນ. ທັ້ງໃນຮູບແບບຂອງຂໍ້ຄວາມສຽງ ແລະ ພາບ ຊື່ງ E-commerce ເກີດຂື້ນຄັ້ງແລກໃນໂລກເມື່ອປະມານປີ ຄສ 1994 ແລະ ໄດ້ຮັບຄວາມສົນໃຈຫຼາຍຂື້ນ. ຫຼັງຈາກກະແສການຂາຍເຄື່ອງອອນໄລນ໌ເລີ່ມໄດ້ຮັບຄວາມນິຍົມ.

Image result for amazon

ສຳລັບໃນລາວເຮົາ E-commerce ເລີ່ມເຂົ້າມາ ແລະ ຫຍາຍຕົວ ໃນຊ່ວງ 3-4 ປີນີ້ເອງ. ເຫດຜົນທີ່ເຮັດໃຫ້ E-commerce ໃນລາວເຮົາຂະຫຍາຍຕົວຊ້າ ປັດໃຈຫຼັກໆແມ່ນ ລາຄາຄ່າຂົນສົ່ງ ຍັງແພງ, ຄວາມໜ້າເຊື່ອຖືຂອງຮ້ານຄ້າ ແລະ ການຊຳລະຜ່ານລະບົບອອນໄລນ໌ແມ່ນຍັງບໍ່ມີ. ແຕ່ໃນປະຈຸບັນຖືວ່າກຳລັງຂະຫຍາຍຕົວສົມຄວນ ອັນເນື່ອງມາຈາກເລີ່ມມີຫຼາຍຜູ້ປະກອບການເຂົ້າມາໃຫ້ຄວາມສົນກ່ຽວກັບທຸລະກິດຂົນສົ່ງເຮັດໃຫ້ລາຄາຂົນສົ່ງມີຄວາມຖືກລົງ ແລະ ຫຼາຍໆທະນາຄານກໍ່ເລີ່ມໃຫ້ຄວາມສົນໃຈ ສະແດງອອກໄດ້ຄື ພວກເອົາໄດ້ອອກຜະລິດຕະພັນການຊຳລະຜ່ານລະບົບອອນໄລນ໌ ຫຼາຍຂື້ນ.

ກະບວນການພື້ນຖານຂອງທຸລະກິດ E-commerce ນັ້ນປະກອບດ້ວຍ 4 ຢ່າງດ້ວຍກັນ ດັ່ງຕໍ່ໄປນີ້ :

  1. Catalog – ການເລືອກລາຍການສິນຄ້າ ແລະ ບໍລິການ
  2. Order – ການສັ່ງຊື້ສິນຄ້າກັບຜູ້ຂາຍ
  3. Payment – ການຊໍາລະເງິນຈາກລູກຄ້າ
  4. Shipping – ການຂົນສົ່ງສິນຄ້າໄປຫາລູກຄ້າ

ດ້ວຍຂັ້ນຕອນ ແລະ ຂະບວນການງ່າຍໆເຮັດໃຫ້ E-commerce ສາມາດເຂົ້າເຖີງລູກຄ້າໄດ້ກ້ວາງຂື້ນ ແລະ ຍັງປະຢັດຕົ້ນທຶນໃນການເຮັດທຸລະກິດເພາະຊ່ວຍຫຼຸດຄ່າໃຊ້ຈ່າຍທີ່ບໍ່ຈຳເປັນທັງຍັງຊ່ວຍໃຫ້ທຸລະກິດມີປະສິດທິພາບຫຼາຍຂື້ນນໍາອີກ.

Image result for taobao

ປະໂຫຍດຂອງ E-commerce

ໃນປະຈຸບັນທຸກຄົນສາມາດເຂົ້າເຖິງອິນເຕີເນັດໄດ້ຢ່າງງ່າຍດາຍ ແລະ ວ່ອງໄວ ດັ່ງນັ້ນການເຮັດທຸລະກິດໃນໂລກອອນໄລນ໌ຈື່ງມີໂອກາດສ້າງລາຍໄດ້ຫຼາຍ ໃນໄລຍະເວລາອັນສັ້ນ ທັ້ງຍັງຊ່ວຍຫຼຸດຊ່ອງວ່າງທາງການຄ້າລະຫວ່າງອົງກອນ ກັບ ຮ້ານຄ້າຂະໜາດນ້ອຍອີກດ້ວຍ ເຊີ່ງສົ່ງຜົນດີທັງຜູ້ຄ້າຂາຍ ຜູ້ຜະລິດ ແລະ ຜູ້ຊື້ໄດ້ຫຼາຍ ໄດ້ປະຢັດເວລາ ສະດວກສະບາຍ ສາມາດປຽບທຽບລາຄາສິນຄ້າ ແລະ ບໍລິການໄດ້.

Image result for lazada ecommerce

ດັ່ງນັ້ນ E-commerce ຈື່ງເປັນທຸລະກິດການຊື້ຂາຍສິນຄ້າ ແລະ ບໍລິການຮູບແບບໃໜ່ໃນເຄືອຄ່າຍອິນເຕີເນັດ ຊື່ງມີຂັ້ນພື້ນຖານທີ່ງ່າຍ ສະດວກ ວ່ອງໄວ ແລະ ປະຫຍັດ ຫຼື ເອີ້ນໄດ້ວ່າ ເປັນການຊື້ຂາຍສິນຄ້າ ແລະ ບໍລິການຜ່ານທາງອອນໄລນ໌ນັ້ນເອງ.

ໂດຍ: ໂຕ່ໂຕ້ ເຂົ້າປຽກເສັ້ນ

ອ້າງອີງ.