ຢາກເປັນນາຍຕົວເອງມັນບໍ່ງາຍເລີຍ ແລະ ຂ້າງລຸ່ມນີ້ແມ່ນ 5 ສິ່ງທີ່ຕ້ອງມີ ຖ້າຄິດຢາກຈະເປັນນາຍຕົວເອງ.

1; ເງິນ

ເລີ່ມຕົ້ນກະອຸກໂລດສຳຫຼັບບາງຄົນຄັນເວົ້າເລື່ອງເງິນມາ !!! ແຕ່ເປັນເລື່ອງສໍາຄັນທີ່ສຸດ ເພາະຂາດເງິນຄືຂາດໃຈ, ຊິໄປຫາເພິ່ງໃຜໄດ້ບໍ່ ? ສະນັ້ນກ່ອນລາອອກຈາກວຽກຄວນຄິດ ແລະ ວາງແຜນ ແບ່ງເງິນອອກເປັນ 3 ກອງໃຫ້ໄດ້ສາກ່ອນ

ເງິນສໍາຮອງສຸກເສີນຍາມເຈັບເປັນ

ສໍາລັບຕົວເຮົາເອງ ແລະຄົນໃນຄອບຄົວທີ່ເຮົາເບິ່ງແຍງຢູ່ເງິນສໍາຮອງນີ້ ບາງຄົນກະສໍາຮອງໃນຮູບແບບຂອງການຊື້ປະກັນສຸຂະພາບ ຫຼື ຊິເກັບມ້ຽນແບບໃດກະຕ້ອງໃຫ້ມີ, ເພາະຄົນເຮົາປະຕິເສດການເຈັບການປ່ວຍບໍ່ໄດ້

ເງິນທີ່ໃຊ້ຈ່າຍຍາມຫວ່າງວຽກ

ໃນໄລຍະ 3 – 6 ເດືອນ , ເມື່ອລາອອກຈາກວຽກລະກະຈະບໍ່ມີລາຍໄດ້ຈາກເງິນເດືອນແຫຼະ ແຕ່ລາຍຈ່າຍຍັງຄົງມີຢູ່ , ບາງເທື່ອອາດສູງກວ່າເກົ່າຊໍ້າ , ໃຫ້ເຮົາຄິດວາງແຜນແບ່ງເງິນໄວ້ຢ່າງນ້ອຍໆ ໂດຍການເອົາລາຍຈ່າຍແຕ່ລະເດືອນທີ່ເຮົາຈ່າຍປະຈໍາ ມາຄູນໃຫ້ 6 ເດືອນ ( ຫາກໃຜມີບັນຊີຄົວເຮືອນ ຫຼື ບັນຊີລາຍຈ່າຍສ່ວນຕົວ ກໍຈະສະບາຍແດ່ເພາະຮູ້ວ່າຕົວເອງມີລາຍຈ່າຍເທົ່າໃດ ແຕ່ລະເດືອນຜ່ານມາ ) ກະສາມາດຄວບຄຸມ ແລະ ກໍານົດແຜນການຈ່າຍຍາມບໍມີວຽກປະຈໍາກະບໍມີເງິນປະຈໍາ

ເງິນສໍາລັບລົງທຶນໃນທຸລະກິດ

ແນ່ນອນວ່າຄັນຊິລາອອກຈາກວຽກມາເຮັດທຸລະກິດ ກະຕ້ອງມີເງິນລົງທຶນຈໍານວນເທົ່າໃດນັ້ນ ມັນກະຂຶ້ນກັບຂະໜາດ ແລະ ປະເພດທີ່ເຈົ້າຊິເຮັດ, ລວມເຖິງອາດຈະມີເຄຣດິດກູ້ຢືມເງິນຈາກທະນະຄານ ຫຼື ແຫຼ່ງທຶນອຶ່ນທີ່ສະໜອງໃຫ້ໄດ້ , ເພາະບາງຄົນກະສາມາດເຮັດທຸລະກິດແບບລົງທຶນນ້ອຍໆ ໃຊ້ຫົວຫຼາຍໆແບບຈັບເສືອມືເປົ່າຈັ່ງຊີ້ກະໄດ້ , ແຕ່ຈັ່ງໃດເງິນກ້ອນນີ້ກະຕ້ອງມີ ເພາະມັນຊິເປັນຕົວກໍານົດວ່າ ເຈົ້າຈະຕ້ອງກັບໄປເປັນມະນຸດເງິນເດືອນອີກຫຼືບໍ່ ?

2; ແຜນທຸລະກິດ

ມີແຕ່ເງິນ ບໍ່ມີແຜນ ເຈັ້ງຕັ້ງແຕ່ບໍ່ໄດ້ເປີດພຸ້ນລະ ! ຕ້ອງເຮັດແຜນໃຫ້ລະອຽດຂຽນ ຫຼື ພິມອອກມາຄັກແນ່ , ຢ່າສຸ່ມແຕ່ວ່າມັນມີໃນຫົວລະ ອັນນັ້ນສ່ຽງສຸດໆ , ເພາະການວາງແຜນ ຂຶ້ນແຜນທຸລະກິດລະອຽດເທົ່າໃດ , ຄິດຄົ້ນຄ້ວາຫຼາຍ ລົງມືລອງເຮັດຫຼາຍໆ ໂອກາດເສຍເງິນກໍໜ້ອຍລົງ

3;ຜູ້ຮ່ວມງານ ຫຼື ຫຸ້ນສ່ວນ Connection

ການເຮັດຫຍັງພຽງຫົວດຽວ ຄົນດຽວສະໄໝນີ້ກະອ່າວວ່າເປັນເລື່ອງຍາກຢູ່ , ສະນັ້ນການຊອກຫາເພື່ອນຮ່ວມທຸລະກິດທີດີ ທີ່ເຂົາກັບເຮົາກະເກັ່ງ ແລະ ຊໍານານໃນຄົນລະດ້ານ ແລະ ແບ່ງຄວາມຮັບຜິດຊອບກັນຕາມຄວາມເໝາະສົມ ກໍຈະເຮັດໃຫ້ທຸລະກິດຂອງເຈົ້າໄປໄດ້ດ້ວຍດີ ຫຼື ຖ້າມັນຊິເຈັ້ງແທ້ໆ ກະບໍ່ເຈັບຄີງຫຼາຍ ເພາະມີຄົນຊ່ວຍແບ່ງເບົາ , ສະນັ້ນ ພື້ນຖານຂອງຜູ້ຮ່ວມຫຸ້ນກໍຕ້ອງເປັນຜູ້ທີ່ສາມາດໄວ້ວາງໃຈ ເຊື່ອໃຈກັນໄດ້ ແລະ ອີກ Connection  ທີ່ສໍາຄັນກໍ່ຄືຄົນໃນຫຼາກຫຼາຍວົງການທີ່ເຮົາໄດ້ຮູ້ຈັກ ເຂົາອາດຈະເປັນກຸ່ມເປົ້າໝາຍລູກຄ້າເຮົາ ຫຼື ບໍ່ກໍເປັນຜູ້ທີ່ຊ່ວຍເຮັດໃຫ້ເຮົາສາມາດເກັບຂໍ້ມູນເພື່ອເຮັດແຜນທຸລະກິດໄດ້ອີກ

4; ສິນຄ້າທີ່ຕີຕະຫຼາດໄດ້ ແລະ ຢູ່ໄດ້ຢ່າງນ້ອຍ 3 – 5 ປີ

ເຈົ້າຕ້ອງຫາສິນຄ້າທີ່ ຄັກສຸດໃນສາມໂລກ ແລະ ມັນຈະຕ້ອງຢູ່ໃນຕະຫຼາດໄດ້ດົນນານຫຼາຍປີ ບໍ່ແມ່ນສິນຄ້າຕາມກະແສມາໄວ ໄປໄວ ເພາະເຈົ້າກະຊິເຈັ້ງໄວຄືກັນ , ຄັນຊັ້ນມັນຈຶ່ງກັບໄປຫາການເຮັດແຜນທຸລະກິດຫັ້ນແຫຼະ , ຕີໂຈດກຸ່ມລູກຄ້າສ່ວນໃຫ່ຍ ຫຼື ສ່ວນປະຈໍາໃຫ້ໄດ້ ວ່າສິນຄ້າທີ່ຈົ້າເລືອກມາຂາຍ ຫຼື ທຸລະກິດທີ່ເຈົ້າຈະເຮັດນັ້ນ ມັນຕອບໂຈດເຂົາໄດ້ແທ້ໆ

5; ຕ້ອງໜ້າໜາໃຫ້ເປັນ ( ບໍ່ເຖິງລະດັບດ້ານ )

ຕັ້ງແຕ່ຕອນທີ່ຍັງເປັນພະນັກງານປະຈໍາເລີຍ !ເຈົ້າຈະຕ້ອງເຝິກຝົນການຂາຍເຄື່ອງ ຫຼື ບໍລິການໃຫ້ເປັນ , ຕື້ໃຫ້ເປັນ ແລະ ໃຫ້ມີສິລະປະ, ລອງຂາຍເຄື່ອງອອນລາຍ ຫຼື ໄປລອງຂາຍເຄື່ອງຢູ່ນໍາຕະຫຼາດນັດເບິ່ງກ່ອນ

ທີ່ມາ: TARGET MAGAZINE