ນາຍົກລົງ ຕິດຕາມ ແລະ ຊ່ວຍເຫຼືອ ຜູ້ປະສົບໄພ

 

ນາຍົກຂວັນໃຈປະຊາຊົນລາວ. ທ່ານ ທອງລຸນ ສີສຸລິດ ພົບປະກັບປະຊາຊົນຜູ້ຖືກກະທົບຈາກນໍ້າຖ້ວມ.
ທ່ານຮູ້ບໍວ່າ “ກອງປະຊຸມລັດຖະບານແຫ່ງ ສປປລາວ ປະຈຳເດືອນກໍລະກົດ 2018 ໄດ້ຍຸດຕິກະທັນຫັນ, ໂດຍພະນະທ່ານນາຍົກລັດຖະມົນຕີ ພ້ອມດ້ວຍຄະນະລັດຖະບານຜູ້ກ່ຽວຂ້ອງ ໄດ້ບິນດ່ວນເຊົ້າວັນນີ້ 24 ກໍລະກົດ 2018 ເດີນທາງລົງໄປແຂວງອັດຕະປື, ເພື່ອຮ່ວມແຮງຮ່ວມຈິດເປັນໜື່ງທົ່ວປວງຊົນລາວທັງຊາດ ຊ່ວຍເຫຼືອປະຊາຊົນຍົກຍ້າຍຈາກບ້ານຫີນລາດ, ບ້ານໃໝ່, ບ້ານສະໝອງ, ບ້ານທ່າແສງຈັນ, ບ້ານທ່າຫີນ, ບ້ານໂຄກກ່ອງ ແລະ ບັນດາບ້ານລຽບຕາມສາຍເຊປຽນ ເມືອງສະໜາມໄຊ ແຂວງອັດຕະປື ສປປລາວ”

 

 

 

“ຕາມການຕົກລົງກອງປະຊຸມລັດຖະບານສະໄໝສາມັນປະຈຳເດືອນຄັ້ງວັນທີ 24 ກໍລະກົດ 2018 ລັດຖະບານແຫ່ງ ສປປລາວ ໄດ້ປະກາດເອົາເຂດ ທີ່ໄດ້ຮັບຜົນກະທົບຈາກໄພນໍ້າຖ້ວມຂອງ ເມືອງສະໜາມໄຊ ແຂວງອັດຕະປື ເປັນເຂດປະສົບໄພພິບັດສຸກເສີນລະດັບຊາດ”

(1) ທີ່ຕັ້ງເຂື່ອນເຊປຽນ-ເຊນໍ້ານ້ອຍ ແມ່ນຢູ່ພູພຽງບໍລິເວນ ເຂດເມືອງປາກຊ່ອງ ແຂວງຈຳປາສັກ ຕໍ່ໃສ່ຊາຍແດນຂອງອັດຕະປື;
(2) ໄດ້ເລີ່ມລົງມືກໍ່ສ້າງມານັບຕັ້ງແຕ່ທ້າຍປີ 2013 ແລະ ຄາດວ່າຈະສຳເລັດໃນຕົ້ນປີ 2019;
(3) ເຈົ້າຂອງໂຄງການແມ່ນບໍລິສັດໄຟຟ້າເຊປຽນ-ເຊນໍ້ານ້ອຍ ພາຍໃຕ້ການຮ່ວມຮຸ້ນຂອງ:
1. ບໍລິສັດ SK Engineering and Construction (SK E) ຈາກປະເທດເກົາຫຼີໃຕ້ ຖືຮຸ້ນ 26%,
2. ບໍລິສັດ Korea Western Power (KOWEPO) ຈາກປະເທດເກົາຫຼີໃຕ້ ຖືຮຸ້ນ 25%,
3. ບໍລິສັດ Generating Holding Public (RATCH) ຈາກປະເທດໄທ ຖືຮຸ້ນ 25%,
4. ລັດວິສາຫະກິດຖືຮຸ້ນລາວ (LHSE) ຖືຮຸ້ນ 24%,
5. ມູນຄ່າຂອງໂຄງການ 1,020 ລ້ານໂດລາສະຫະລັດ;
(4) ເຂື່ອນມີກຳລັງຕິດຕັ້ງ 410 ເມກາວັດ ເຊິ່ງຈະຂາຍໄຟຟ້າໃຫ້ຝ່າຍການຜະລິດແຫ່ງປະເທດໄທ (EGAT) 90% ແລະ ລັດວິສາຫະກິດໄຟຟ້າລາວ (EDL) 10%;
(5) ໂຄງການນີ້ມີອາຍຸສຳປະທານ 27 ປີ ເຊິ່ງເປັນໂຄງການທີ່ມີລັກສະນະການກໍ່ສ້າງດ້ວຍຮູບແບບການຈັດສັນນໍ້າ, ການຜັນນໍ້າຈາກບ່ອນສູງລົງສູ່ບ່ອນຕໍ່າເຊັ່ນ:
1. ການພັດທະນາຝາຍຫ້ວຍໝາກຈັນ ໂດຍການຂຸດທໍ່ຜັນນໍ້າ ໃຫ້ໄຫຼລົງສູ່ອ່າງເກັບນໍ້າເຂື່ອນເຊປຽນ,
2. ຂຸດທໍ່ຜັນນໍ້າຈາກເຂື່ອນເຊປຽນໃຫ້ໄຫຼລົງສູ່ເຂື່ອນເຊນໍ້ານ້ອຍ ແລ້ວ,
3. ເຈາະອຸມົງຜັນນໍ້າລົງສູ່ເຮືອນຈັກຢູ່ແຂວງອັດຕະປື;
(6) ຝາຍຫ້ວຍໝາກຈັນມີຄວາມກວ້າງ 2.5 ແມັດ ສູງ 4.6 ແມັດ ແລະ ຍາວ 30 ແມັດ ພື້ນທີ່ເກັບນໍ້າ 81 ຕາລາງກິໂລແມັດ;
(7) ເຂື່ອນເຊປຽນສູງ 84 ແມັດ ຍາວ 1,037 ແມັດ ພື້ນທີ່ອ່າງ 217 ຕາລາງກິໂລແມັດ ສາມາດເກັບນໍ້າໄດ້ 28 ລ້ານແມັດກ່ອນ;
(8) ເຂື່ອນເຊນໍ້ານ້ອຍສູງ 73.7 ແມັດ ຍາວ 1,600 ແມັດ ພື້ນທີ່ອ່າງ 522 ຕາລາງກິໂລແມັດ ສາມາດເກັບນໍ້າໄດ້ 1,043 ລ້ານແມັດກ້ອນ.

ຕາມຂ່າວວ່າເຂື່ອນແຕກນັ້ນ ແມ່ນສັນອ່າງເກັບນໍ້າເຂື່ອນເຊນໍ້ານ້ອຍ ທີ່ມີເນື້ອທີ່ອ້າງກວ້າງທີ່ສຸດໃນບັນດາເຂື່ອນທີ່ຢູ່ລວມກັນ ນັ້ນກໍ່ຄື: 522 ຕາລາງກິໂລແມັດ ແລະ ເຈົ້າຂອງໂຄງການຄາດປະລິມານນໍ້າໄວ້ທີ 5,000 ລ້ານໂຕນ ແລະ ມວນນໍ້າດັ່ງກ່າວຈະໄຫຼລົງສູ່ນໍ້າເຊປຽນ ໂດຍບ້ານທີ່ຢູ່ໃກ້ແຄມນໍ້າເຊປຽນ ແລະ ໃກ້ເຂື່ອນທີ່ສຸດແມ່ນບ້ານໃໝ່, ບ້ານຫິນລາດ, ບ້ານສະໜອງໃຕ້, ບ້ານທ່າແສງຈັນ, ບ້ານຕະໝໍຍອດ, ບ້ານທ່າຫິນໃຕ້, ບ້ານທ່າບົກ ແລະ ບ້ານມ່ວງ ເມືອງສະໜາມໄຊ ແຂວງອັດຕະ

 

 

 

ທີ່ມາ Target Magazine

 

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s