ໃນງານ WWDC 2018 ທາງ Apple ໄດ້ເປີດຕົວ macOS ເວີຊັນ 10.14 ໃຫມ່ໂດຍໃຊ້ຊື່ວ່າ Mojave (ອ່ານວ່າ ໂມຮາວີ່) ໃນຮອບນີ້ມີການປ່ຽນແປງຫຼາຍຈຸດເນັ້ນການປັບປຸງ

ປະສິດທິພາບທີ່ໂດດເດັ່ນແມ່ນ Dark  Mode, ການປັບປຸງ Mac App Store ໃໝ່ ແລະການໃຫ້ຄວາມສຳຄັນຂອງຄວາມເປັນສ່ວນຕົວແລະຄວາມປອດໄພ ແລະ ມື້ວັນທີ 25 ກັນຍາ 2561 ທີ່ຜ່ານມາທາງ Apple ໄດ້ປ່ອຍ macOS ເວີຊັນດັ່ງກ່າວໃຫ້ອັບເດດຟຼີພ້ອມກັນທົ່ວໂລກ

Apple ປ່ອຍ macOS10.14 Mojave ໃຫ້ອັບເດດແລ້ວ Mac App Store

 

macOS Mojave ເປັນການອັບເດດຄັ້ງສຳຄັນ ທີ່ມາພ້ອມຄຸນສົມບັດໃໝ່ໆ ທີ່ຊົງພະລັງ ສຳລັບຜູ້ໃຊ້ Mac ຫຼາກຫຼາຍກຸ່ມ ຕັ້ງແຕ່ລະດັບທົ່ວໄປຈົນຮອດມືອາຊີບ, Dark  Mode ເປັນໜ້າຕາໃຫມ່ສຸດລໍ້າ ສຳລັບ macOS ທີ່ຈະສະແດງຄອນເທັນຂອງທ່ານຢ່າງໂດດເດັ່ນ ນອກຈາກນີ້ຍັງສາມາດໃຊ້ແອັບ iOS ທີ່ຄຸ້ນເຄີຍໃນ Mac ໄດ້ ແລະ ຍັງມີ Mac App Store ໂສມໃຫມ່ທີ່ຈະຊ່ວຍໃຫ້ການຄົ້ນຫາແອັບໃຫມ່ໆ ໃຫ້ກາຍເປັນເລື່ອງງ່າຍແລະມ່ວນຊື່ນຍີ່ງກວ່າເກົ່າ

ຟີເຈີໃຫມ່ໆໃນ macOS 10.14 Mojave

ການປ່ຽນແປງໃນ Mojave ດ້ານປະສິດທິພາບການເຮັດວຽກໃຫ້ສະຖຽນຫຼາຍຂື້ນເຮັດວຽກໄວຂື້ນ ແລະ ທີ່ສຳຄັນຟີເຈີໃຫມ່ໆ ທີ່ໃຊ້ງານຕະຫຼອດໆ ກໍ່ເພີ່ມເຂົ້າມາຢ່າງຫຼວງຫຼາຍດ້ວຍເຊັ່ນກັນ ໂດຍຟີເຈີເດັ່ນໆ ມີດັ່ງນີ້

  1. ເພີ່ມ Dark Mode ໃຫມ່ ປ່ຽນ Look ໃຫ້ເທ້ໄປອີກແບບ

mojave2 darkmode

ຜູ້ໃຊ້ macOS Mojave ສາມາດສະຫຼັບເປັນ Dark  Mode ເພື່ອປ່ຽນໜ້າຕາເດດສ໌ທ໋ອບເປັນ ສີໂທນເຂັ້ມທີ່ຊ່ວຍເນັ້ນໃຫ້ຄອນເທັນຂອງຜູ້ໃຊ້ມີຄວາມໂດດເດັ່ນຫຼາຍຂື້ນ ໃນຂະນະທີ່ສ່ວນຄວບຄຸມຖອຍໄປຢູ່ສາກຫຼັງ ຜູ້ໃຊ້ສາມາດສະລັບໄປມາລະຫວ່າງເດສກ໌ທ໋ອບແບບສະແຈ້ງ ແລະ ແບບມືດໄດ້ ແລະ ແອັບ Mac ເຊັ່ນ Mail, Massages, Maps, Calender ແລະ Photos ກໍ່ມາພ້ອມກັບການອອກແບບສໍາລັບ Dark  Mode. ນອກຈາກນີ້ macOS Mojave ຍັງມີຄຸນສົມບັດໃໜ່ຢ່າງ Dynamic Desktop ທີ່ຈະປ່ຽນຮູບພາບເທິງເດສກ໌ທ໋ອບໃຫ້ເຂົ້າກັບຊ່ວງເວລາຂອງວັນໂດຍອັນຕະໂນມັດ. ສ່ວນນັກພັດທະນາກໍ່ສາມາດໃຊ້ API ທີ່ມີໃຫ້ເພື່ອປະຍຸກໃຊ້ Dark Mode ກັບແອັບຂອງຕົນໄດ້.

mojave2 darkmode

  1. ເດສກ໌ທ໋ອບ ແລະ ໂປຣ໌ແກຣມຄົ້ນຫາ

mojave stacks

Stacks ສຳລັບ ເດສກ໌ທ໋ອບສາມາດຈັດການເດສກ໌ທ໋ອບ ສຸດຮົກ ທີ່ເຕັມໄປດ້ວຍອີ່ຫຍັງຕໍ່ຫຍັງຫລາຍໆອັນໃຫ້ເປັນລະບຽບຮຽບຮ້ອຍໄດ້ໂດຍການ ຊ້ອນໄຟລ໌ແຍກເປັນກຸ່ມໂດຍອັດຕະໂນມັດຕາມປະເພດຂອງໄຟລ໌ ແລະ ຜູ້ໃຊ້ຍັງສາມາດປັບແຕ່ງການເຮັດວຽກຂອງ Stacks ໃຫ້ຈັດກຸ່ມຕາມຄຸນລັກສະນະອື່ນໆ ຂອງໄຟລ໌ໄດ້ນຳອີກ ເຊັ່ນ ວັນທີ່ ແລະ ແທັກ ນອກຈາກນີ້ Finder ໃນ MacOS Mojave ຍັງໄດ້ຮັບການປັບປຸງໃນຫຼາຍສ່ວນບໍ່ວ່າຈະເປັນການເພີ່ມ Gallery View ໃຫມ່ທີ່ໃຫ້ຜູ້ໃຊ້ສາມາດກວດກາເບີ່ງຂໍ້ມູນໃນໄຟລ໌ແບບຄ່າວໆໄດ້ ຫຼື ໜ້າຕ່າງສະແດງຕົວຢ່າງຄົບຖ້ວນຊ່ວຍໃຫ້ການຈັດການໄຟລ໌, ສື່ຮູບແບບຕ່າງໆ  ກາຍເປັນເລື່ອງງ່າຍຍິ່ງຂື້ນ ແລະ ຍັງມີ Quick Actions ທີ່ຊ່ວຍໃຫ້ຜູ້ໃຊ້ສາມາດເຮັດຫຍັງຫຼາຍໆ ຢ່າງຈາກ Finder ໄດ້ທັນທີ ເຊັ່ນ ການສ້າງ PDF ແບບຕ້ອງໃສ່ລະຫັດຜ່ານ ແລະ ການໃຊ້ Automator Actions ກັບໄຟລ໌ ສ່ວນ Quick Look ຈະສະແດງຕົວຢ່າງຂອງໄຟລ໌ແບບເຕັມໜ້າຈໍຢ່າງໄວວາ ຊ່ວຍໃຫ້ຜູ້ໃຊ້ສາມາດໜຸນ ແລະ ຕັດຮູບພາບ ເຮັດເຄື່ອງໝາຍເທິງໄຟລ໌ PDF ຫຼືຕັດຕໍ່ວິດີໂອ ແລະ ຄຣິບສຽງໄດ້ທັນທີໂດຍບໍ່ຕ້ອງເປີດແອັບ

  1. ແອັບ News, Stocks, Voice Memos ແລະ Home

ews, Stocks, Voice Memos ແລະ Home

MacOS Mojave ມາພ້ອມກັບແອັບຕ່າງໆ ທີ່ມີປະໂຫຍດ ເຊັ່ນ ແອັບ News, Stocks, Voice Memos ແລະ Home ຊື່ງມື້ນີ້ສາມາດໃຊ້ງານເທິງ Mac ໄດ້ເປັນຄັ້ງທຳອິດ ໃນແອັບ News ບໍ່ວ່າຈະເປັນບົດຄວາມ ຮູບພາບ ຫຼື ວິດີໂອ ກໍ່ສວຍງາມ, ດູດີເມືອມາຢູ່ເທິງໜ້າຈໍພາບ Mac ແລະ ຜູ້ໃຊ້ສາມາດຕິດຕາມສື່ສີ່ງພີມທີ່ມັກໄດ້ຈາກໃນແອັບດຽວ ນອກຈາກນີ້ຜູ້ໃຊ້ Mac ສາມາດໃຊ້ແອັບ  Home ເພື່ອຄວບຄຸມອຸປະກອນເສີມທີ່ຮອງຮັບ HomeKit ເພື່ອເຮັດສີ່ງຕ່າງໆ ເຊັ່ນ ເປີດປິດໄຟ ຫຼື ປັບອຸນຫະພູມຈາກເທິງຄອມພີວເຕີໄດ້ທັນທີ ສ່ວນແອັບ Voice Memos ກໍ່ຈະຊ່ວຍໃຫ້ການອັດສຽງເພື່ອບັນທຶກເລື່ອງສ່ວນຕົວ ການບັນລະຍາຍ ການປະຊຸມ ການສຳພາດ ຫຼື ໄອເດຍໃນການແຕ່ງເພງກາຍເປັນເລື່ອງງ່າຍ ແລະ ສາມາດເປີດຟັງຈາກ iPhone, iPad ຫຼື Mac ກໍ່ໄດ້ ສຸດທ້າຍຄືແອັບ Stocks ທີ່ຈະນຳສະເຫນີຂ່າວສານກ່ຽວກັບຕຫຼາດຫຸ້ນທີ່ຄັດສັນມາໂດຍສະເພາະ ຄວບຄູ່ໄປກັບລາຍການຫຸ້ນທີ່ເບີ່ງຈັບຕາຈັບໃຈ ລາຄາ ແລະ ກຣາຟແບບອິນເທີແອັກທີຟ

  1. Mac App Store ໜ້າຕາໃຫມ່

mojave Mac App Store

Mac App Store ໄດ້ພິກຮູບແບບການດາວໂຫລດ ແລະ ຕິດຕັ້ງຊ໋ອບແວຮ໌ສຳລັບ Mac ນັບຕັ້ງແຕ່ເປີດໃຫ້ບໍລິການເມືອປິ 2011 ແລະ ມື້ນີ້ຍັງຄົງເປັນສູນລວມແອັບສຳລັບ Mac ທີ່ໃຫຍ່ທີ່ສຸດໃນໂລກພຽງແຫ່ງດຽວ ແລະ ໃນ MacOS Mojave ນັ້ນ Mac App Store ໄດ້ຮັບການອອກແບບຂື້ນມາໃໝ່ຫມົດ ບໍ່ວ່າຈະເປັນຮູບລັກສະນະໃຫມ່ ແລະ ຄອນເທັນໜ້າສົນໃຈຈາກບັນນາທິການທີ່ຊ່ວຍໃຫ້ການຄົ້ນພົບແອັບ Mac ທີ່ໃຊ້ກາຍເປັນເລື່ອງງ່າຍ ດີໄຊທ ໃຫມ່ນີ້ຈະນຳສະເຫນີແອັບໃຫມ່ ແລະ ອັບເດດໃນແຖບ Discover ສ່ວນແຖບ Create, Work, Play ແລະ Develop ຈະຊ່ວຍຜູ້ໃຊ້ຫາແອັບສໍາລັບງານບາງປະເພດໄດ້ຖືກຈຸດປະສົງການໃຊ້ງານ. ນອກຈາກນີ້ຜູ້ໃຊ້ຍັງຈະໄດ້ພົບກັບແອັບຈາກນັກພັດທະນາຊັ້ນນຳອີກຫຼາກຫຼາຍໃນ Mac App Store ບໍ່ວ່າຈະເປັນ Office ຈາກ Microsoft ຫຼື Lightroom CC ຈາກ Adobe ເປັນຕົ້ນ ແລະທີ່ສໍາຄັນຜູ້ໃຊ້ສາມາດດາວໂຫຼດແອັບຈາກ Mac App Store ດ້ວຍຄວາມໜັ້ນໃຈເຊັ່ນເຄີຍ ເພາະແອັບທັງໜົດຜ່ານການກວດສອບ ແລະ ອະນຸມັດຈາກ Apple ແລ້ວວ່າມີຄວາມປອດໄພໃນທຸກໆດ້ານ

  1. Screenshots ທີ່ດີຂື້ນ

mojave Screenshots

ໃນແອັບ Screenshots ນັ້ນມີຟີເຈີໃໝ່ເພີ່ມຂື້ນຫຼາຍ ເຊັ່ນ ການແຄັບເຈີແລ້ວສາມາດແກ້ໄຂພາບທີ່ແຄັບເຈີເຫຼົ່ານັ້ນໄດ້ເລີຍຄືກັບການເຮັດ Markup ເທິງ iOS ທີ່ຄຸ້ນເຄິຍກັນ ທັງຍັງເພີ່ມຟັງຊັນການແຄັບເຈີໜ້າຈໍແບບພາບເຄື່ອນໄຫວໄດ້ອີກດ້ວຍ ແລະ ສີ່ງທີ່ໄດ້ກ່າວມານັ້ນສາມາດນໍາໄປໃຊ້ງານໄດ້ທັນທີ

  1. Safari ມີໄອຄອນຂອງເວັບສະແດງແຖບແລ້ວ

ສີ່ງທີ່ລໍຄອຍມາຢ່າງດົນນານກໍມາເຖິງຈົນໄດ້ເມື່ອ Safari ແອັບພິເຄຊັນສໍາລັບການຫຼິ້ນເວັບເທິງ MacOS ຕອນນີ້ຮອງຮັບການສະແດງ Favicon (ໄອຄອນປະຈໍາເວັບໄຊ) ທີ່ແຖບຂອງ Browser ແລ້ວກໍ່ເພີ່ມຄວາມສະດວກສໍາລັບໃຜທີ່ເປີດເວັບຫຼາຍໜ້າພ້ອມໆກັນ

mojave webicon

ເປີດການສະແດງ Favicon ຂອງ Safari ເຮັດແນວໃດ ?

ເປີດເອັບ Safari ຂື້ນມາຈາກນັ້ນໄປທີ່ Perferences…. ຫຼື ເພື່ອຄວາມງ່າຍໃຫ້ກົດ command + , ທີ່ຄີບອດ ເພື່ອເປີດໜ້າ Perferences ຂອງແອັບ Safari ຂື້ນມາ

ໄປທີ່ Taps> ເຮັດເຄື່ອງໜາຍຖືກໜ້າ Show website icons in taps

mojave web icon

ພຽງເທົ່ານີ້ກໍ່ຮຽບຮ້ອຍ

  1. Continuity Camera ຖ່າຍພາບຈາກກ້ອງ iPhone ໃຫ້ເຂົ້າມາໃນ Mac ໄດ້ທັນທີ

mojave Continuity Camera

ຫຼາຍຄັ້ງການເພີ່ມໄຟລ໌ຮູບຖ່າຍນັ້ນມັກຈະມີຂັ້ນຕອນທີ່ຫຼາກຫຼາຍເຊັ່ນຖ່າຍຮູບແລ້ວຕ້ອງສົ່ງເຂົ້າເຄື່ອງ Mac ຈາກນັ້ນຄ່ອຍນໍາໄຟລ໌ເຫຼົ່ານັ້ນມາໃສ່ໃນເອກະສານເຊັ່ນ Keynote ແຕ່ວ່າໃນ Mojave ເພີ່ມຄວາມສະດວກເຂົ້າໄປອີກໂດຍຜູ້ໃຊ້ສາມາດໃຊ້ iPhone ຖ່າຍພາບ ແລະ ຈາກນັ້ນ Mojave ຈະເອົາຮູບທີ່ຖ່າຍປູ໊ບເຂົ້າໄປຢູ່ໃນຈຸດທີ່ຕ້ອງການປັບທັນທີ ຟີເຈີເຫຼົ່ານີ້ຖືວ່າສະດວກສຸດໆ ສໍາລັບຜູ້ໃຊ້ງານ Mac

ຄວາມເປັນສ່ວນຕົວ ແລະ ຄວາມປອດໄພ

majave Continuity Camera

ການຍົກລະດັບເລື່ອງຄວາມເປັນສ່ວນຕົວ ແລະ ຄວາມປອດໄພໃນ macOS Mojave ໃຫ້ດີຍີ່ງຂື້ນຍັງຄົງເປັນເລື່ອງທີ່ Apple ໃຫ້ຄວາມສໍາຄັນເປັນອັນດັບທຳອິດເຊັ່ນດຽວກັບຊ໋ອບແວອື່ນໆ ທັງໜົດທີ່ອັບເດດໃນຄັ້ງນີ້ ໂດຍຄຸນສົມບັດ “ການປ້ອງກັນການຕິດຕາມອັດສະລິຍະ ” ທີ່ໄດ້ຮັບການປັບປຸງໃນ safari ຈະຊ່ວຍປິດກັ້ນບໍ່ໃຫ້ປຸ່ມ “ ຖືກໃຈ ” ຫຼື “ ແຊຣ໌” ລວມເຖິງວິດເຈັດສໍາລັບການຄອມເມັ້ນເທິງໂຊຊຽວມີເດຍຕິດຕາມຜູ້ໃຊ້ໂດຍບໍ່ໄດ້ຮັບອານຸຍາດ ແລະ ມື້ນີ້ safari ຍັງສະແດງຂໍ້ມູນຂອງລະບົບຢ່າງງ່າຍໃນຂະນະທີ່ຜູ້ໃຊ້ທ່ອງເວັບເພື່ອປ້ອງກັນບໍ່ໃຫ້ມີການຕິດຕາມຜູ້ໃຊ້ໂດຍອິງຈາກຂໍ້ມູນສະເພາະຂອງລະບົບ ຍີ່ງກວ່ານັ້ນ ມື້ນີ້ Safari ຍັງສາມາດຕັ້ງລະຫັດຜ່ານທີ່ເດົາຍາກ ຊ່ວຍກອກ ແລະ ຈັດເກັບລະຫັດຜ່ານໂດຍອັດຕະໂນມັດເມື່ອຜູ້ໃຊ້ສ້າງບັນຊີອອນໄລນ໌ ອີກທັງຍັງເຕືອນໃຫ້ຜູ້ໃຊ້ປ່ຽນລະຫັດຜ່ານທີ່ໃຊ້ຊໍ້າອີກດ້ວຍ ນອກຈາກນີ້ຍັງມີການປົກປ້ອງຂໍ້ມູນແບບໃຫມ່ທີ່ກໍານົດໃຫ້ແອັບຕ້ອງຂໍອະນຸຍາດຈາກຜູ້ໃຊ້ກ່ອນຈະໃຊ້ກ້ອງ ແລະ ໄມໂຄໂຟນຂອງ Mac ຫຼື ເຂົ້າເຖິງຂໍ້ມູນສ່ວນຕົວຢ່າງປະວັດຕິການຮັບສົ່ງເມວ ແລະ ຖານຂໍ້ມູນທີ່ຈັດເກັບຂໍ້ຄວາມ

ອັບເດດ macOS10.14 Mojave ໄດ້ແລ້ວມື້ນີ້ຟຣີຈາກ Mac App Store

ຍັງມີອີກຫຼາຍໆ ຟີເຈີໃນ Mojave ທີ່ຍັງລໍໃຫ້ຜູ້ໃຊ້ໄດ້ສໍາພັດ ສຳລັບຜູ້ໃຊ້ Mac ລຸ້ນຕໍ່ໄປນີ້

  • MacBook (Early 2015 ຫຼື ໃຫມ່ກວ່າ)
  • MacBook Air(Mid 2012 ຫຼື ໃຫມ່ກວ່າ)
  • MacBook Pro(Mid 2012 ຫຼື ໃຫມ່ກວ່າ)
  • Mac Mini (Late 2012 ຫຼື ໃຫມ່ກວ່າ)
  • iMac (Late 2012 or ຫຼື ໃຫມ່ກວ່າ)
  • iMac Pro (2017)
  • Mac Pro (Late 2013, Plus mid-2010 mid-2012 models with recommend Metal-capable GPU )

ສາມາດນໍາເຄື່ອງອັບເດດຊ໋ອບເເວເວີຊັນລ່າສຸດໄດ້ແລ້ວທີ່ Mac App Store ຕັ້ງແຕ່ມື້ນື້ເປັນຕົ້ນໄປ

ທີ່ມາ iMoD