“ ດອກມຸລາຄາມິ ”ແມ່ນດອກຫຍັງ, ເປັນຫຍັງຄືຮິດໃນກຸ່ມໄວລຸ້ນ ແລະ ລາຄາແພງໄປເຖິງ 1000 ບາດ
ທັນທີທີ່ຄິບສໍາຫຼວດການແຕ່ງໂຕຂອງໄວລຸ້ນຂອງປະເທດໄທໄດ້ເຜີຍແຜ່ໃນໂລກໂຊຊ້ຽວ ນອກຈາກກະແສດາມມ່າແລ້ວອີກສີ່ງໜື່ງທີ່ຕາມມາກໍ່ຄື ຄຳຖາມທີ່ວ່າດອກມຸລາຄາມິ ຫຼື Murakami flower ທີ່ກຸ່ມໄວລຸ້ນໃນຄຣິບໃຊ້ກັນມັນແມ່ນຫຍັງ ເຖິງກາຍເປັນເທຼນຍອດຮິດ ແລະ ມີລາຄາແພງເຖິງຫຼັກພັນບາດ ມື້ນີ້ເຮົາມາລອງເບິ່ງວ່າດອກໄມ້ໜ້າຍີ້ມສີເຈີດຈ້າມີທີ່ມາແນວໃດ?
ດອກມຸລາຄາມິເປັນຜົນງານການອອກແບບຂອງ ທາຄາຊິ ມຸລາຄາມິ ( Takashi Murakami ) ຊື່ງລາວໄດ້ໃຊ້ຊື່ຂອງລາວເອງແທນຊື່ດອກໄມ້ໜ້າຍີ້ມນີ້. ສິນລະປິນຄົນນີ້ໄດ້ຮັບການຂະໜານນາມວ່າເປັນສາດສະດາແຫ່ງປ໋ອບອາດໃນວົງການອອກແບບຂອງຢີ່ປຸ່ນ ແລະ ຜົນງານຂອງລາວມີເອກະລັກໂດດເດັ່ນ ທີ່ໄດ້ຮັບແຮງບັນດານໃຈມາຈາກໜັງສືກະຕູນອານິເມະ ຫຼື ມັງງະ ຊື່ງຈະມີສີສັນສົດໃສ ເຈີດຈ້າແລະ ຖ່າຍທອດອອກມາທັງຜົນງານຈິດຕະກໍາປະຕິມະກຳ ຫຼື ພາບພີມ
ສຳລັບເຫດຜົນທີ່ເຮັດໃຫ້ ດອກມຸລາຄາມິ ນີ້ມາມີມູນຄ່າ ແລະ ໄດ້ຮັບຄວາມນິຍົມຢ່າງຫຼວງຫຼາຍນັ້ນກໍ່ເພາະມີຄົນດັງຂອງເມືອງໄທຢ່າງເຊັ່ນ ນ້ອງໂມບາຍ ວົງBNK48 ຈັບເອົາດອກໄມ້ໜ້າຍີ້ມມາປະດັບເທິງເສື້ອຜ້າ ລວມໄປເຖິງຈາກຄຣິບວິດີໂອການແຕ່ງໂຕຂອງໄວລຸ້ນປະເທດໄທທີ່ກາຍເປັນກະແສດັງຂ້າມຄືນກໍ່ພົບວ່າໄວລຸ້ນປະເທດໄທຈໍານວນຫຼາຍກໍ່ກຳລັງມາຮີດດອກມຸລາຄາມິ ລວມໄປເຖິງດາຣາໜຸ່ມ ໂທນີ້ ລາກແກ່ນ ແລະ ສິນລະປິນ ຈີຍົງ G-Dragon ຈາກວົງ Bigbang ຈື່ງບໍ່ແປກວ່າເປັນຫຍັງຢູ່ໆ ດອກໄມ້ໜ້າຍີ້ມສີສົດນີ້ຈີ່ງມີລາຄາສູງຂື້ນ
ໂດຍປົກກະຕິດອກມຸລາຄາມິທີ່ວ່າງຂາຍຢູ່ໃນປະເທດຢີ່ປຸ່ນນັ້ນມີລາຄາຢູ່ທີປະມານ 700 ບາດ ເມື່ອນຳມາຂາຍໃນປະເທດໄທລາຄາຈີ່ງສູງຂື້ນເປັນທຳມະດາ ບວກກັບກໍາລັງຢູ່ໃນກະແສຄວາມນິຍົມ ນອກຈາກເຈົ້າດອກມຸລາຄາມິຈະເປັນລາຍການເຄື່ອງປະດັບແຟຊັ້ນທີ່ກຳລັງຮີດແລ້ວ ທີ່ຜ່ານມາທາຄາຊິ ມຸລາຄາມິ ຍັງໄດ້ຮ່ວມໂປຣເຈັກແຟຊັ້ນຕ່າງໆ ເຊັ່ນ ມາກຮ໌ ເຈຄ໋ອບ,ຫລຸຍສ໌ ວິດຕອງ ເກີບຜ້າໃບແບນຮ໌ດັງວິດສະກິມ ຂອງຢີ່ປຸ່ນໃນຊື່ລຸ້ນ Visvim Kiefer Hi-Suede ເຊີ່ງມີການນຳລວດລາຍດອກໄມ້ໜ້າຍີ້ມນີ້ໄປໃສ່ໃນເກີບ ຫຼື ແມ້ແຕ່ຜົນງານຮູບພາບລີໂອເນວ ເມສ໌ຊີ້ ກັບຈັກກະວານແຫ່ງດອກໄມ້ ໜື່ງໃນການປະມູນຂອງ Sothebyເພຶ່ອສະໜັບສະໜຸນແຄັມເປນຂອງ ຢູນິເຊບ
ທີ່ມາ campus.sanook.com