ຄັກສຸດດ….!!​ ມິຕິໃໝ່ຂອງ “ເຮືອບິນ” ທີ່ບໍ່ມີປະຕູປ່ອງຍ້ຽມເບີ່ງວີວໄດ້ແບບ“ 360° ”

ປະຈຸບັນການເດີນທາງດ້ວຍເຮືອບິນເປັນທີ່ນິຍົມກັນຫຼາຍ ເນື່ອງຈາກມີລາຄາທີ່ຖືກແລ້ວ (ແຕ່ວ່າລາວເຮົາກະຍັງແພງຢູ່) ແລະ ການເດີນທາງດ້ວຍເຮືອບິນກໍ່ໃຊ້ເວລາເດີນທາງບໍ່ດົນເຮັດໃຫ້ບໍ່ເມື່ອຍກັບການເດີນທາງ ຈື່ງມີການເດີນທາງດ້ວຍເຮືອບິນເພີ່ມຂື້ນເປັນຈຳນວນຫຼວງຫຼາຍ; ແຕ່ບາງເທື່ອການຫາບ່ອນນັ່ງດີໆ ຕິດປະຕູປ່ອງຍ້ຽມ ເວລາເຮົາຕ້ອງເດີນທາງດ້ວຍເຮືອບິນອາດຈະເປັນເລື່ອງຍາກ ແຕ່ສຳລັບເຮືອບິນລຸ້ນໃໝ່ລຳນີ້ ບັນຫາດັ່ງກ່າວຈະໝົດໄປ.

ລ່າສຸດ “ ທີມນັກວິໄຈຈາກປະເທດອັງກິດ ” ໄດ້ອອກແບບຈໍ OLED ຂະໜາດໃຫຍ່ພ້ອມຕິດຕັ້ງໃນເຮືອບິນ ແລະ ປ່ຽນໃຫ້ທຸກບ່ອນນັ່ງກາຍເປັນບ່ອນນັ່ງຕິດປະຕູປ່ອງຍ້ຽມ, ເຊິ່ງໄດ້ລະບຸວ່າ ພວກເຮົາອາດມີໂອກາດໄດ້ສຳພັດກັບເທັກໂນໂລຢີທີ່ຈະປ່ຽນໃຫ້ຫ້ອງຜູ້ໂດຍສານກາຍເປັນທ້ອງຟ້ານີ້ ພາຍໃນອີກ 10-15 ປີຂ້າງໜ້າ, ຊື່ງໃນອານາຄົດເຮືອບິນທີ່ຖືກຕິດຕັ້ງຈໍ OLED ນີ້ຈະກາຍເປັນເຮືອບິນທີ່ບໍ່ມີປະຕູປ່ອງຍ້ຽມ.

ຄວາມໄຮເທັກ (High Tech) ຂອງຈໍທີ່ວ່ານີ້ກໍ່ຄືການສາຍພາບຂອງທ້ອງຟ້າດ້ານນອກເຂົ້າມາໃນຫ້ອງຜູ້ໂດຍສານ, ໂດຍຜ່ານກ້ອງທີ່ຕິດເອົາໄວ້ດ້ານນອກຂອງເຮືອບິນທີ່ບິນຜ່ານ ຄືກຳລັງເຫາະໄປໃນອາກາດເລີຍກໍວ່າໄດ້.

ເທັກໂນໂລຢີ OLED ເປັນເທັກໂນໂລຢີຈໍພາບທີ່ມີຢູ່ເທິງອຸປະກອນອິເລັກໂທນິກທີ່ພວກເຮົາໃຊ້ໃນຊີວິດປະຈຳວັນທົ່ວໆໄປ ຕົວຢາງເຊັ່ນ: ທໍລະທັດ, ໂທລະສັບມືຖື ຫຼື ແທັບເລັດ. ຊື່ງໃນເຮືອບິນສຸດລ້ຳນີ້ ຈະນຳເອົາມັນມາຕິດຕັ້ງໄວ້ໃນຫ້ອງໂດຍສານນັ້ນເອງ ສ່ວນໃຜທີ່ເປັນໂລກຢ້ານຄວາມສູງ ຫຼື ບໍ່ຄ່ອຍມັກວິວທ້ອງຟ້າກໍ່ສາມາດເລືອກເປີດຫຼືປິດຈໍບໍລິເວນບ່ອນນັ່ງຂອງຕົນໄດ້.

ທັງໝົດນີ້, ນີ້ອາດຈະເປັນເທັກໂນໂລຍີທີ່ຊ່ວຍໃຫ້ມອບປະສົບການການເດີນທາງອັນໜ້າຈົດຈຳ ໃຫ້ກັບຜູ້ໂດຍສານໄດ້ບໍ່ໜ້ອຍເລີຍ ແຕ່ຍັງຄົງເປັນພຽງຄອນເຊັບເທົ່ານັ້ນ, ເຊີ່ງໃນຂະນະນີ້ທາງທີມວິໄຈຍັງຄົງພັດທະນາ ແລະ ແກ້ໄຂບັນຫາເພື່ອກຽມພ້ອມໃນການຜະລິດຂື້ນມາແທ້ໆ ຢູ່ຄືກັນ.

ທີ່ມາ  https://www.sportringside.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s