ກົດຂອງສີທີ່ໂລໂກ້ຄວນເລືອກໃຫ້ເໝາະກັບແບຣນດ໌

ສີ່ງໜື່ງທີ່ສຳຄັນໃນການສ້າງແບຣນດ໌ຄື: ການສ້າງຄວາມຈົດຈຳໃຫ້ກັບຄົນທົ່ວໄປໄດ້ຮັບຮູ້ຕົວຕົນ ແລະ ການຜະລິດຕະພັນຂອງເຮົາ. ແລະ ນັ້ນອາດຈະໝາຍເຖີງໂລໂກ້ຂອງແບຣນດ໌ທີ່ອາດຈະບອກເລື່ອງລາວກ່ຽວກັບຕົວຕົນໄດ້ເປັນຢ່າງດີ ແຕ່ໃນຕົວຕົນຂອງໂລໂກ້ນັ້ນກໍ່ຍັງມີກົດບາງຢ່າງທີ່ໜ້າສົນໃຈ ແລະ ເປັນຈຸດນຳສາຍຕາໄດ້ດີ, ນັ້ນກໍ່ຄືເລື່ອງຂອງສີ ຈາກການສຳຫຼວດຂອງ Market-Inspector ໄດ້ບອກເລົ່າເລື່ອງລາວກ່ຽວກັບເລື່ອງຂອງສີໂລໂກ້ທີ່ນັລວ່າມີຄວາມສຳຄັນຕໍ່ແບຣນດ໌ໆໜື່ງ. ຊື່ງປາກົດຢູ່ເທິງໂລໂກ້ຂອງແຕ່ລະຜະລິດຕະພັນ ແລະ ສີສັນເຫຼົ່ານັ້ນຈະສະທ້ອນເຖີງອັນໃດແນ່ ມາຕິດຕາມເບີ່ງກັນເລີຍ: ສີແດງ ໃຊ້ແທນຄວາມໝາຍຂອງຄວາມເປັນເດັກ, ຄວາມກ້າຫານ ແລະ ແຮງກະຕຸ້ນ. ຊື່ງນັບວ່າເປັນສີທີ່ໃຊ້ນຳມາດຶງດູດຄວາມສົນໃຈຂອງຜູ້ບໍລິໂພກ ເນື່ອງຈາກສີແດງມີຜົນຕໍ່ການກະຕຸ້ນຕໍ່ການຕັດສິນໃຈ ດັ່ງນັ້ນຈະເຫັນໄດ້ຈາກປ້າຍລົດລາຄາສິນຄ້າຕາມຮ້ານສ່ວນຫຼາຍທີ່ຈະມັກໃຊ້ສີແດງໃນການກະຕຸ້ນການຊື້ສິນຄ້ານັ້ນໆ. ສີຟ້າ ເບີ່ງເຖີງຄວາມແຂງແກ່ງ ຄວາມເຊື່ອໝັ້ນເປັນທີ່ພື່ງພາ ສີນີ້ອາດຈະເປັນຄຳຕອບຂອງທາງເລືອກທີ່ດີ ເນື່ອງຈາກສີຟ້າຈະບົ່ງບອກເຖີງຄວາມເປັນມືອາຊີບ,…