5 ເທັກນິກໃນການເຮັດຮ້ານອາຫານຂະໜາດ “ນ້ອຍ” ບໍ່ໃຫ້ “ເຈັ້ງ”

ທຸກມື້ນີ້ການເກີດຂື້ນຂອງຮ້ານອາຫານຂະໜາດນ້ອຍ, ບໍ່ວ່າຈະເປັນຮ້ານເຝີ, ເຊີ່ງເປັນຮ້ານອາຫານທີ່ມີປະລິມານຫຼາຍທີ່ສຸດ, ຮ້ານອາຫານຕາມສັ່ງ, ຮ້ານເຂົ້າຂາໝູ ແລະ ອີກຫຼາຍໆຮ້ານຕ່າງຕ້ອງອາໃສປັດໃຈການວິເຄາະທີ່ຄ້າຍໆກັນ ເພື່ອນຳໄປສູ່ຄວາມສຳເລັດຊື່ງວິທີວິເຄາະມີດັ່ງຕໍ່ໄປນີ້:

  1. ການເລືອກສະຖານທີ : ເພື່ອບໍ່ໃຫ້ພາດ ວິທີການເລືອກສະຖານທີບໍ່ໄດ້ໝາຍຄວາມວ່າມັກບ່ອນໃດກໍ່ສາມາດທີ່ຈະໄປເປີດໄດ້ເລີຍ. ສະຖານທີມີຄົນຫຼາຍໆກໍ່ບໍ່ສາມາດກະລັນຕີໄດ້ວ່າເຮົາຈະປະສົບຜົນສຳເລັດ ດັ່ງນັ້ນ, ເຮົາຕ້ອງສັງເກດການໃຫ້ຊັດເຈນ ຫຼັກການຂັ້ນ ພື້ນຖານຄືການໄປນັ່ງເຝົ້າເບີ່ງຄົນບໍລິເວນດັ່ງກ່າວຢ່າງໜ້ອຍ 7ມື້ ສັງເກດວ່າຄົນແຖວນັ້ນເປັນໃຜ, ເປັນພະນັກງານອ໊ອບຟິດ, ສາວໂຮງງານ, ໂຮງຮຽນນັກສຶກສາ ຫຼື ຢູໃນເຂດທີ່ມີຄົນອາໃສ.
  2. ເງິນທຶນ : ຕ້ອງມີການວາງແຜນດ້ານເງິນທຶນແບ່ງອອກເປັນ 2 ສ່ວນ, ສ່ວນແລກເປັນເງິນທຶນສຳລັບການເຊົ່າຮ້ານ, ຕົບແຕ່ງຮ້ານ, ຊື້ອຸປະກອນເຂົ້າຮ້ານ, ຖ້າຫາກເງິນບໍ່ພໍຈະຫຼຸດຂະໜາດຮ້ານລົງມາ ຫຼື ຈະເຫຼືອຂະໜາດຮ້ານເປັນຄ້າຍໆລໍ້ຍູ້ ກໍ່ຕ້ອງມີປະລິມານເງິນທຶນໃນສ່ວນນີ້ກ່ອນ. ຫຼັງຈາກນັ້ນຈະຕ້ອງມີເງິນສະສົມຢ່າງໜ້ອຍ 6ເດືອນ ເພື່ອເປັນເງິນໝູນວຽນລະຫວ່າງທີ່ຮ້ານຂອງເຮົາພ້ອມເລີ່ມຕັ້ງ ລູກຄ້າອາດຈະຍັງບໍ່ຄ່ອຍຮູ້ຈັກ.
  3. ອາຫານຕ້ອງແຊບ, ສະອາດ, ລາຄາບໍ່ແພງ​ : ສະເໜ່ຂອງການເປີດຮ້ານອາຫານຂະໜາດນ້ອຍຄືລາຄາບໍ່ແພງ ໃຜກໍ່ເຂົ້າມາກິນໄດ້ດ້ວຍຄວາມສະບາຍໃຈ ແລະ ສີ່ງທີ່ສຳຄັນໄປກວ່ານັ້ນຄືຄວາມແຊບ ຄົນໃນຍຸກນີ້ໃຫ້ຄວາມສຳຄັນກັບລົດຊາດຂອງອາຫານຫຼາຍ ຫາກອາຫານແຊບກໍ່ຈະມີການ ບອກຕໍ່, ຖ່າຍຮູບລົງເຟສບຸກ, ນຳໄປລີວິວ ເປັນການຊ່ວຍປະຊາສຳພັນໃຫ້ກັບຮ້ານເຮົາ. ສີ່ງສຳຄັນອີກປະການໜື່ງຄືຄວາມສະອາດ ຮ້ານອາຫານຂະໜາດນ້ອຍຫາກເຮົາສາມາດປຸງອາຫານຂອງເຮົາຢູ່ໜ້າຮ້ານ ຈັດວາງການປຸງໄດ້ຢ່າງສະອາດ ກີ່ນຂອງອາຫານທີ່ປຸງຈະຊ່ວຍເອີ້ນແຂກໄດ້ອີກທາງໜື່ງ. ນອກຈາກນີ້ໃນຮ້ານກໍ່ຕ້ອງສະອາດ ເປັນການຍົກລະດັບອາຫານຂ້າງທາງໃຫ້ໄດ້ລະດັບຫຼາຍຂື້ນ.
  4. ຈັດສັນລະບົບການເງິນໃຫ້ເປັນ : ຮ້ານຄ້າຂະໜາກນ້ອຍສ່ວນໜື່ງທີ່ມາເປີດເຮັດຮ້ານຈະບໍ່ຄ່ອຍມີຄວາມຮູ້ທາງ ບັນຊີ-ການເງິນ ບາງທີຫາກບໍ່ເຂົ້າໃຈໃນເລື່ອງນີ້ ບໍ່ວ່າຮ້ານຂາຍອາຫານຫຼາຍກໍ່ອາດຂາດທຶນໄດ້. ວິທີງ່າຍໆ ຄືຕ້ອງແຍກເງິນອອກເປັນ 2 ກະຕ່າ ກະຕ່າແລກເປັນເງິນເບື້ອງລາຍຮັບ ແຕ່ລະມື້ຂາຍໄດ້ເທົ່າໃດໃຫ້ນຳໃສ່ກະຕ່ານີ້ ເມື່ອຈົບການຂາຍໃນແຕ່ລະມື້ກໍ່ຫັກເງິນຈາກເບື້ອງລາຍຮັບໄປສ່ວນໜື່ງເພື່ອເຕີມໃສ່ກະຕ່າເບື້ອງລາຍຈ່າຍເພື່ອນຳໄປຈ່າຍຄ່າວັດຖຸດິບທີ່ຈະນຳມາຂາຍຄວນບໍລິຫານວ່າວັດຖຸດິບໃດຊື້ມື້ນິ, ວັດຖຸດິບໃດຊື້ອາທິດນິ, ຄ່ານໍ້າ, ຄ່າໄຟ ເປັນລາຍເດືອນ ແລ້ວມາສະເລ່ຍອອກມາເວລາຂາຍຈົບໃນແຕ່ລະມື້ກໍ່ຕ້ອງເຊັກເງິນພວກນີ້ອອກພ້ອມຄ່ອຍຈະເຫັນກຳໄລທີ່ແທ້ຈີງໃນແຕ່ລະມື້. ນອກຈາກນີ້ຄວນລະມັດລະວັງໃຫ້ຕົ້ນທຶນຄົງທີ່ຫາກຊື້ໃນປະລິມານເດີມ.
  5. ຊ່ວງເປີດຮ້ານໃໝ່ໆ : ຕ້ອງມີການປະຊາສຳພັນໂປຼໂມຊັນ ເຊັ່ນ: ເຮັດໃບປິວແຈກຄົນໃນບໍລິເວນແຖວນັ້ນ ຫຼື ໃນຍຸກສະໄໝໃໝ່ເຮັດເພສເຟສບຸກຂື້ນມາເຮັດການປະຊາສຳພັນຮ້ານ ໂດຍສາມາດເລືອກໃຫ້ຂໍ້ຄວາມໃນການປະຊາສຳພັນປັກໝຸດໄວ້ໃນເພສ, ຫາກເຮົາບໍ່ມີຄວາມຮູ້ ກໍ່ຕ້ອງອາໃສຜູ້ທີ່ມີປະສົບການມາເຮັດໃຫ້ເຮົາໃນຊ່ວງແລກ.

ທີ່ມາ => https://cheechongruay.smartsme.co.th/content/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s