ມີຄູ່ຊີວິດດີ ຊີວິດປະສົບຜົນສຳເລັດ

ຄົນທີ່ປະສົບຜົນສຳເລັດແມ່ນມີຫຼາຍປັດໃຈທີ່ເຮັດໃຫ້ເຂົ້າເຈົ້າປະສົບຜົນສຳເລັດ ເຊັ່ນທັດສະນະຄະຕິໃນການຄິດ, ການຕັດສິນໃຈທີ່ເດັດຂາດ, ທີ່ຈະສາມາດພາເຂົາເຈົ້າໄປສູ່ຄວາມສຳເລັດນັ້ນໄດ້ ແຕ່ສິ່ງທີ່ກ່າວມານີ້ເປັນພຽງປັດໃຈທີ່ຜັກດັນໃຫ້ປະສົບຜົນສຳເລັດໃນໜ້າທີ່ການງານ ຫຼື ທາງດ້ານທຸລະກິດເທົ່ານັ້ນ ແຕ່ຖ້າວ່າທ່ານຢາກທີ່ຈະປະສົບຜົນສຳເລັດໃນຊີວິດ ພວກເຮົາມີອີກໜຶ່ງຄວາມລັບທີ່ສຳຄັນກວ່ານັ້ນ

ຜົນການວິໄຈຈາກ ມະຫາວິທະຍາໄລ  Carnegia Mellon ກ່າວວ່າ ຖ້າວ່າທ່ານຕ້ອງການທີ່ຈະປະສົບຜົນສຳເລັດໃນຊີວິດ ຄວາມລັບທີ່ສຳຄັນຢ່າງໜຶ່ງແມ່ນ ຄົນທີ່ທ່ານຈະແຕ່ງງານນຳ. ການທີ່ເຮົາມີຄົນຮັກທີ່ໃຫ້ການສະໜັບສະໜຸນ ຈະເຮັດໃຫ້ເຮົາເຫັນຊ່ອງທາງ ແລະ ໂອກາດ ທີ່ຈະປະສົບຜົນສຳເລັດຫຼາຍຂຶ້ນ ດັ່ງຄຳເວົ້າທີ່ວ່າ ຜູ່ຊາຍທີ່ປະສົບຜົນສຳເລັດມັກຈະມີຜູ່ຍິງຢູ່ເບື້ອງຫຼັງສະເໝີ ບໍ່ສະເພາະແຕ່ຜູ່ຊາຍເທົ່ານັ້ນ, ຜູ່ຍິງທີ່ປະສົບຜົນສຳເລັດກໍ່ໃຊ້ຄຳເວົ້ານີ້ເຊັ່ນກັນ.

ນັກວິໄຈໄດ້ທຳການທົດສອບຄູ່ຮັກຈຳນວນ 163 ຄູ່ ເຊິ່ງຄູ່ຮັກທຸກຄູ່ຈະຖືກຂໍໃຫ້ເຮັດກິດຈະກຳຮ່ວມກັນ (ບໍ່ແມ່ນກິດຈະກຳ ແບບ… ເດີ້ ອິອິອິ) ໂດຍໃຫ້ເລືອກລະຫວ່າງ ການຊ່ວຍກັນແກ້ໄຂບັນຫາ Puzzle ທຳມະດາ ຫຼື ຮ່ວມແຂ່ງຂັນເພື່ອຊິງລາງວັນ ຜົນປາກົດວ່າ ຄູ່ຮັກທີ່ໃຫ້ການສະໜັບສະໜຸນກັນໃຫ້ກຳລັງໃຈກັນສ່ວນໃຫຍ່ຈະເລືອກເຂົ້າຮ່ວມການແຂ່ງຂັນເພື່ອຊິງລາງວັນ ແລະ ຄູ່ຮັກທີ່ບໍ່ຄ່ອຍສະໜັບສະໜຸນກັນ ສແມ່ນຈະເລືອກ ການແກ້ໄຂບັນຫາ Puzzle ທຳມະດາ

ທ່ານ Brooke Feeney ຫົວໜ້າທີມວິໄຈກ່າວວ່າ ການສະໜັບສະໜຸນການຕັດສິນໃຈຕ່າງໆຂອງຄູ່ຮັກ ຈະຊ່ວຍເຮັດໃຫ້ອີກຝ່າຍໜຶ່ງມີຄວາມໝັ້ນໃຈຫຼາຍຂຶ້ນ ເຊິ່ງມັນເຮັດໃຫ້ການຕັດສິນໃຕແຕ່ລະຄັ້ງມີປະສິດທິພາບ ແລະ ສົ່ງຜົນດີຕໍ່ຄຸນນະພາບຊີວິດໃນໄລຍະຍາວ ຄືດັ່ງທີ່ເຮົາເຫັນຄົນທີ່ປະສົບຜົນສຳເລັດຫຼາຍຄົນທີ່ມີເບື້ອງຫຼັງແມ່ນຄູ່ແຕ່ງງານຂອງເຂົາເຈົ້າ ຕົວຢ່າງ Mark Zuckerberg ແລະ ອະດິດປະທານາທິບໍດີ Barack Obama ທີ່ເຄີຍກວ່າວ່າ ພັນລະຍາ ແມ່ນເປັນຄົນທີ່ສຳຄັນທີ່ຢູ່ເບື້ອງຫຼັງຂອງຄວາມສຳເລັດ ແລະ ເຊັ່ນດຽວກັນກັບນັກຮ້ອງສາວ Beyoncé ທີ່ເຄີຍເວົ້າວ່າ ສາມີຂອງລາວ Jay-Z ເປັນສ່ວນໜື່ງທີ່ເຮັດໃຫ້ລາວເຕີບໃຫຍ່ຂຶ້ນມາໄດ້.

ທີ່ມາ Beartai.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s