Qualcomm ເປີດຕົວ Quick Charge 5 ລະບົບສາກໄວແບບໃໝ່ ໃຊ້ເວລາສາກ 15 ນາທີ ແບັດເຕັມ 100%

ໃນວັນທີ 27 ກໍລະກົດ 2020 ທີ່ຜ່ານມາ ບໍລິສັດ Qualcomm ໄດ້ເປີດຕົວເທັກໂນໂລຢີສາກໄວຕົວໃໝ່ ຊື່ວ່າ Quick Charge 5 ທີ່ຮອງຮັບກຳລັງໄຟຟ້າໄດ້ 100W+, ສາກໄວ້ຂຶ້ນ 70%. ສາມາດສາກມືຖື ສະມາດໂຟນທີ່ມີແບັກເຕີຣີ່ຂະໜາດບັນຈຸ 4,500 mAh ຈາກ 0-50% ໄດ້ ພາຍໃນເວລາພຽງແຕ່ 15 ນາທີ ເຊິ່ງຖືວ່າໄວທີ່ສຸດຂອງໂລກ ໃນປະຈຸບັນ. ນອກນັ້ນຍັງໄດ້ມີການປັບປຸງປະສິດທິພາບດ້ານຕ່າງໆ ແລະ ຍົກລະດັບຄວາປອດໄພໃຫ້ສູງຂຶ້ນ.

Qualcomm ເວົ້າວ່າ ເມື່ອເວົ້າເຖິງຄວາມໄວໃນການສາກຂອງ Quick Charge 5 ນັ້ນ ຈະໄວກວ່າ Quick Charge 4 ຢູ່ 4 ເທົ່າ, ມີປະສິດທິພາບສູງຂຶ້ນ 70% ແລະ ຖ້າທຽບໃສ່ກັບ Quick Charge 1 ຈະໄວກວ່າ 10 ເທົ່າ. Qualcomm ໄດ້ທົດສອບເທັກໂນໂລຢີ Quick Charge 5 ກັບສະມາດໂຟນທີ່ມີແບັດເຕີຣີ່ຂະໜາດບັນຈຸ 4,500 mAh ຜົນໄດ້ຮັບແມ່ນ ລະບົບສາກໄວຕົວນີ້ ສາມາດສາກຈາກ 0-50% ໄດ້ພາຍໃນ 5 ນາທີ ແລະ ຈາກ 0-100% ໄດ້ພາຍໃນ 15 ນາທີເທົ່ານັ້ນ

ຊິບຄວບຄົມຕົວໃໝ່  SMB1396 ແລະ  MSB1398 ນີ້ ຈະຮອງຮັບທັງການສາກແບບມີສາຍ ແລະ ແບບໄຮ້ສາຍ, ຮອງຮັບເທັກໂນໂລຢີການສາກແບບ Dual Charge ແລະ Triple Charge ແບ່ງການຈ່າຍໄຟຟ້າໄປຫາຫຼາຍໆເຊວ ເຊິ່ງການເຮັດວຽກໃນລັກສະນະນີ້ ຈະເຮັດໃຫ້ສາມາດສາກແບັດດ້ວຍແຮງດັນໄຟຟ້າທີ່ສູງຂຶ້ນໄດ້ ແລະ ນອກຈາກເລື່ອງຂອງຄວາມໄວໃນການສາກແລ້ວ ໃນເລື່ອງຂອງຄວາມປອດໄພກໍ່ໄດ້ຮັບການຍົກລະດັບຂຶ້ນເຊັ່ນດຽວກັນ ເພາະ Quick Charge 5 ຈະມີລະບົບປ້ອງກັນອຸຫະພູມ ແລະ ກະແສໄຟຟ້າເກີນ ທີ່ແຍກອອກຈາກກັນ, ມີການປ້ອງກັນແຮງດັນໄຟຟ້າເກີນ USB-input 25V ນອກນັ້ນຍັງສາມາດຫຼຸດອຸນຫະພູມເວລາສາກໄດ້ຕ່ຳລົງ 10 ອົງສາເຊວເຊັສ ຖ້າທຽບໃສ່ກັບQuick Charge 4.

ນອກຈາກນີ້ ອຸປະກອນ Quick Charge 5 ຍັງສາມາດເຮັດວຍກຮ່ວມກັບອຸປະກອນທີ່ເປັນ Quick Charge ເວີຊັ່ນເກົ່າໆໄດ້ ລວມເຖິງ USB-PD ແລະ iPhone 7 ຂຶ້ນໄປ ນຳອີກ. ທ່ານສາມາດເບິ່ງຜົນການທົດສອບໄດ້ຕາມຮູບພາບຂ້ອງລຸ່ມ ຫຼື ເວົ້າງ່າຍໆແມ່ນ ມືຖືລຸ້ນໃດທີ່ຮອງຮັບ Quick Charge 3 ຖ້າເອົາຕົວຫົວສາກທີ່ເປັນ Quick Charge 5 ມືຖືລຸ້ນດັ່ງກ່າວກໍ່ຈະສາມາດສາກໄດ້ຄືເກົ່າ.

ຄາດຄະເນວ່າ Quick Charge 5 ຈະມາພ້ອມກັບສະມາດໂຟນທີ່ຈະເປີດຕົວໃນຊ່ວງໄຕມາດທີ 3 ຂອງປີ 2020 ນີ້ ເຊິ່ງຈະຢູ່ກັບ ມືຖືທີ່ໃຊ້ຊິບເຊັດ Snapdragon 865 / 865+ ຫຼື ໃໝ່ກວ່າ ສ່ວນລຸ້ນທີ່ຂາຍຢູ່ໃນປະຈຸບັນແມ່ນຍັງບໍ່ທັນຮອງຮັບ Quick Charge 5 ເທື່ອ

ທີ່ມາ droidsans.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s